ایک انگریز دہریہ تھا اور ایک آنکھ سے کانا تھا ایک مرتبہ کسی عالم سے ملا اور اللہ تعالیٰ کے وجود پر بحث کرنے لگ گیا، کہنے لگا اللہ تعالیٰ موجود نہیں، وہ عالم کہتے رہے کہ اللہ تعالیٰ موجود ہے، اسی نے ساری کائنات کو پیدا کیا تو کہنے لگا، نہیں نہیں مجھے تو میرے والدین نے پیدا کیا تو جب انگریز نے کہا کہ مجھے تو میرے والدین نے پیدا کیا، تو وہ عالم ہنس پڑے،
یہ پوچھتا ہے کہ آپ ہنستے کیوں ہیں؟ وہ کہنے لگے کہ اب مجھے بات سمجھ میں آئی کہ میرے اللہ نے تجھے کانا کیوں پیدا کیا؟ اس نے کہا کیوں؟ کہنے لگے اس لیے کہ اللہ تعالیٰ نے سوچا کہ ایک آنکھ میں نے بنائی دوسری آنکھ اپنے ماں باپ سے بنوا لے، یہ سن کر ہکا بکا رہ گیا تو اہل علم بات چیت میں بھی سوال کا ایسا جواب دیتے ہیں کہ دوسرے کو لاجواب کر دیتے ہیں۔
