داؤ پیچ جاننے والا اگر وہ پتلا سا بھی ہو تو وہ موٹے بندے کو گرا کر مارتا ہے۔۔۔ مشہور ہے کہ محمد علی کلے جو بڑا باکسر تھا، اس کا ایک مکا معلوم نہیں کہ وہ کتنے ٹن کے وزن سے لگتا تھا، اس کے سامنے کوئی بندہ رنگ میں کھڑا نہیں ہو سکتا تھا، وہ مکا مار کر بندے کے بتیس دانت باہر نکال دیتا تھا، گویا اس کا لوہے جیسا مکا تھا وہ دنیا کا چیمپیئن کہلاتا تھا، ایک مرتبہ اس کا مقابلہ جاپان کے ایک کھلاڑی سے ہوا، اس کا نام انوکی تھا، انوکی دبلاپتلا تھا
اور یہ موٹا تازہ تھا، انوکی نے بارہ راؤنڈ محمد علی کو اپنے قریب بھی نہ پھٹکنے دیا، ادھر پوری دنیا کا چیمپیئن کھڑا ہے اور دوسری طرف دبلا پتلا آدمی ہے مگر انوکی داؤ ایسے جانتا تھا کہ اگر محمد علی اس کے قریب جاتاتو وہ اس کی ہڈی کو توڑ دیتا اس نے اپنے فن کی وجہ سے دنیا کے چیمپیئن کو بارہ راؤنڈ اپنے قریب بھی نہ آنے دیا۔۔۔ ہمیں چاہیے کہ اپنے باطن کو اس قدر قوی اور مضبوط بنائیں کہ نفس و شیطان ہمارے قریب بھی نہ آ سکے۔
