بن بلائے مہمانوں کی آمد کا سن کر لمحہ بھر کے لیۓ چوھدری صاحب حقے کا کش لگانا بھول گئے! بےچارے نام کے ہی چوھدری تھے، آمدنی محدود تھی، اور اخراجات زیادہ، سفید پوشی کا بھرم رکھنا دشوار ھو گیا تھا، مہمان کمرے میں آبیٹھے،تو کچھ دیر بعد وہ باہر نکلے اور نوکر کو کھانا تیار کرنے کا حکم دیا، “گھر میں تو سبزی ھے یا دالیں”نوکر نے دبی آواز میں کہا، “وہ مرغی کس کی پھر رہی ہے” انہوں نے صحن کی طرف انگلی سے اشارہکرتے ہوئے کہا، ہمسائیوں کی ہے”دانہ دنکا چگنےآ جاتی ھے، دانہ چگنے یا بیٹیں کرنے،پکڑ اور ذبح کر اسے، انہوں نے رعب دار آواز میں کہا اور اندر چلے گئے۔ وہ مہمانوں کے ساتھ خوش گپیوں میں مصروف تھے کہ نوکر نے دروازہ بجا کر انہیں باہر بلایا اور ڈرتے،ڈرتے کہا، چوہدری جی؛ ذبح کرتے ھوۓ گردن علیحدہ ھو گئ ھے۔”مرغی حرام ہو گئی ہے جی، “الو کا پٹھا” چوہدری صاحب کا پارہ چڑھ گیا، “پہلے حلال تھی کیا” پکا سالن!!!