ایک مرتبہ سیدنا صدیق اکبرؓ کی اہلیہ کے دل میں بڑی تمنا تھی کہ گھر میں کوئی سویٹ ڈش تیار کریں۔ چنانچہ انہوں نے حضرت صدیق اکبرؓ سے کہا کہ کچھ پیسے دیں۔ امیر المومنین سیدنا صدیق اکبرؓ نے فرمایا کہ میرے پاس پیسے تو نہیں ہیں۔ ان کی اہلیہ نے سوچا کہ مجھے روزانہ کا تھوڑا تھوڑا خرچہ ملتا ہے۔ میں اس میں سے بچاتی رہتی ہوں۔ جب مناسب رقم جمع ہو جائے گی تو کوئی میٹھی چیز بنا لوں گی۔ چنانچہ انہوں
نے ایک دن سویٹ ڈش بنائی۔ خود بھی کھائی اور سیدنا صدیق اکبرؓ کو بھی پیش کی، سیدنا صدیق اکبرؓ نے پوچھا، یہ پیسے کہاں سے آئے؟ کہنے لگیں، کہ آپ مجھے جو روزانہ کا خرچہ دیتے ہیں میں نے اس میں سے تھوڑا تھوڑا بچا کر کچھ پیسے اکٹھے کیے اور آج یہ سویٹ ڈش بنائی ہے۔ آپ نے فرمایا: بہت اچھا ثابت ہوا کہ یہ خرچہ ہماری ضرورت سے زائد ہے، لہٰٰذا آپ نے اتنی مقدار آئندہ ماہ بیت المال سے لینی بند کر دی۔
