لاہور( آن لائن )منگل کے روز میر پور، آزاد کشمیر میں آنے والے زلزلے کے متاثرین کی امداد کیلئے قومی کرکٹرز سامنے آنے لگے۔سماجی رابطے کی ویب سائٹ ٹوئٹر پر شاداب خان نے اپنے ایک ٹوئٹ میں اعلان کیا کہ وہ اپنی میچ فیس زلزلے سے متاثرہ خاندانوں کو دیں گے،انہوں نے یہ بھی لکھا کہ ہمیں زلزلے سے متاثر ہونے والے بھائیوں اور بہنوں کی مدد کرنے کی کوشش کرنی چاہئے۔قومی کرکٹ

ٹیم کے آل رانڈر محمد حفیظ نے زلزلے سے متاثرہ خاندانوں سے تعزیت کی۔سابق فاسٹ بالر شعیب اختر نے بھی اپنے ٹوئٹ میں سب کی سلامتی کی دعا کرتے ہوئے لکھا کہ زلزلہ شدید تھا۔سابق کپتان رمیز راجہ نے اپنے ٹوئٹ میں 2005 کے زلزلے کو یاد کرتے ہوئے لکھا کہ ایک بار پھر زلزلے نے زندگیوں کے امن کو چکنا چور کر دیا ہے،انہوں نے لکھا کہ آفتیں لوگوں کو متحد کرتی ہیں ، تو پھر متحد ہوجائیں۔

موضوعات:شاداب خان