اسلام آباد (این این آئی)اسلام آباد ہائیکورٹ نے پی سی بی کے دو کوچ صبیح اظہر اور تیمور اعظم کی اپنی برطرفی کے خلاف درخواست وکیل کی مہلت کی استدعا منظور کرلی ۔ جمعرات کو پی سی بی کے دو کوچ صبیح اظہر اور تیمور اعظم کی جانب سے اپنی برطرفی کے خلاف درخواست پر سماعت چیف جسٹس اطہر من اللہ نے کی۔ وکیل درخواست گزار بیرسٹر شعیب رزاق نے کہاکہ صبیح اظہر اور تیمور اعظم نے کرکٹ بورڈ میں ملازمت کر رہئے تھے،دونوں کوچ اسلام آباد

اور راولپنڈی میں ڈیوٹی سر انجام دے رہئے تھے۔وکیل درخواست گزار نے کہاکہ بغیر کسی شوکاز نوٹس کے ملازمت سے برطرف کیا گیا۔انہوںنے کہاکہ عدالت برطرفی کا نوٹیفکیشن کالعدم قرار دے۔ چیف جسٹس اطہر من اللہ نے کہاکہ عدالت کو کیس لا فراہم کر دیں۔درخواست گزار کے وکیل کی جانب سے کیس لاء فراہم کرنے کیلئے عدالت سے مہلت کی استدعا کی گئی ،عدالت نے درخواست گزار کے وکیل کی استدعا منظور کرلی ۔کیس کی سماعت (آج) جمعہ تک ملتوی کر دی گئی ۔

موضوعات:اسلام آباد ہائیکورٹ