بنگلہ دیش نے ویسٹ انڈیز کو 5 وکٹوں سے شکست دے کر سہ ملکی ون ڈے انٹرنیشنل کرکٹ سیریز فائنل میں جگہ بنا لی

  بدھ‬‮ 15 مئی‬‮‬‮ 2019  |  13:20

ڈبلن(این این آئی )بنگلہ دیش نے ویسٹ انڈیز کو 5 وکٹوں سے شکست دے کر سہ ملکی ون ڈے انٹرنیشنل کرکٹ سیریز فائنل میں جگہ بنا لی، فاتح ٹیم نے 248 رنز کا ہدف 48ویں اوور میں 5 وکٹوں پر حاصل کیا، مشفق الرحیم نے 64 اور سومیا سرکار نے 54 رنز کی اننگز کھیل کر ٹیم کو کامیابی دلائی، مستفیض الرحمان نے عمدہ بائولنگ کا مظاہرہ کر کے ٹیم کی جیت میں کلیدی کردار ادا کیا۔اور میچ کے بہترین کھلاڑی قرار پائے۔ڈبلن میں کھیلے گئے سہ ملکی سیریز کے پانچویں میچ میں ویسٹ انڈین ٹیم نے پہلے کھیلتے ہوئے


مقررہ اوورز میں9 وکٹوں کے نقصان پر 247 رنز بنائے، شائی ہوپ اور کپتان جیسن ہولڈر کے سوا کالی آندھی کا کوئی بھی کھلاڑی متاثرکن کارکردگی کا مظاہرہ نہ کر سکا، ہوپ 87 اور ہولڈر 62 رنز بنا کر نمایاں رہے، سنیل ایمبرس 23، ڈیرن براوو 6، روسٹن چیس 19، جوناتھن کارٹر 3، فابین ایلن 7، ایشلے نرس 14 اور ریفر 7 رنز بنا کر آئوٹ ہوئے، شیلڈن کوٹریل 8 اور کیمر روچ 3 رنز بنا کر ناٹ آئوٹ رہے، مستفیض الرحمان نے 4، مشرفی مرتضی نے 3 مہدی حسن میراز اور شکیب الحسن نے ایک، ایک وکٹ لی۔جواب میں بنگلہ دیشی ٹیم نے مطلوبہ ہدف 47.2 اوورز میں 5 وکٹوں پر پورا کیا، مشفق الرحیم نے 63 اور سومیا سرکار نے 54 رنز کی اننگز کھیل کر ٹیم کو فتح دلائی، محموداللہ 30 رنز بنا کر ناقابل شکست رہے، تمیم اقبال 21، شکیب الحسن 29 اور محمد متھن 43 رنز بنا کر آئوٹ ہوئے، ایشلے نرس نے 3 کیمر روچ اور جیسن ہولڈر نے ایک، ایک وکٹ لی۔

موضوعات:

loading...