انٹرنیشنل ٹینس فیڈریشن کے ایگزیکٹو ڈائریکٹر نے دورہ پاکستان کی حامی بھر لی ،24 جنوری کو اسلام آباد پہنچیں گے

  بدھ‬‮ 23 جنوری‬‮ 2019  |  12:50

اسلام آباد(این این آئی)انٹرنیشنل ٹینس فیڈریشن کے ایگزیکٹو ڈائریکٹر ڈویلپمنٹ لوکا سانٹیلی پاکستان کے اولین دورے پر آج (جمعرات ) کو اسلام آباد پہنچیں گے ۔ تفصیلات کے مطابق لوکا سانٹیلی انٹرنیشنل ٹینس فیڈریشن کے ایگزیکٹو ڈائریکٹر ڈویلپمنٹ کی حیثیت سے پہلی بار پاکستان آ رہے ہیں جو اسلام آباد میں ٹینس کے نیشنل ٹریینگ سینٹر اور آئی ٹی ایف کی فنڈنگ سے بننے والے ٹینس کورٹس کا افتتاح کرنے سمیتپاکستان ٹینس فیڈریشن کے حکام سے ملاقاتیں کرینگے ۔ آئی ٹی ایف کے ایگزیکٹو ڈائریکٹر کی جانب سے پاکستان میں ٹینس ڈویلپمنٹ کیلئے فنڈز بھی جاری ہونیکا امکان ہے ۔

پاکستان ٹینس فیڈریشن کے صدر سلیم سیف اللہ کے مطابق انٹرنیشنل ٹینس فیڈریشن کے ایگزیکٹو ڈائریکٹر ڈویلپمنٹ 25جنوری کو پی ٹی ایف ٹینس کمپلیکس اسلام آباد میں نیشنل ٹرئیننگ سینٹر کا افتتاح کرنے سمیت میڈیا سے بات چیت بھی کرینگے ۔

موضوعات:

آج کی سب سے زیادہ پڑھی جانے والی خبریں