آئی سی سی ویمنز ٹی 20اور ون ڈے رینکنگ جاری، پاکستانی ویمنز ٹیم دونوں طرز کی کرکٹ میں 7ویں نمبر پر

  جمعہ‬‮ 12 اکتوبر‬‮ 2018  |  16:25

دبئی(اسپورٹس ڈیسک) انٹرنیشنل کرکٹ کونسل(آئی سی سی) نے ویمنز ٹی ٹوئنٹی اور ایک روزہ رینکنگ جاری کی ہے پاکستانی ٹیم کا دونوں طرز کی کرکٹ میں ساتواں نمبر ہے۔انٹرنیشنل کرکٹ کونسل کی جانب سے جاری کی جانے والی رینکنگ میں بیٹنگ میں بسمعہ معروف کا 16 واںاور جویریہ خان کا 20 واں نمبر، بولنگ میں انعم امین تیسرے، ندا ڈار 8ویں اور ثنا میر 20ویں نمبر پر ہیں۔ آل رانڈ کیٹیگری میں کوئی بھی پاکستانی پلیئر ٹاپ پانچ میں جگہ نہیں بنا سکی۔آئی سی سی کی طرف سے جاری تازہ ترین درجہ بندی کے مطابق آسٹریلیا 280پوائنٹس کے ساتھ پہلے

نمبر پر ہے، نیوزی لینڈ277پوائنٹس کے ساتھ دوسرے، انگلینڈ 276پوائنٹس کے ساتھ تیسرے، ویسٹ انڈیز 259پوائنٹس کے ساتھ چوتھے، بھارت 249پوائنٹس کے ساتھ پانچویں، جنوبی افریقہ 243پوائنٹس کے ساتھ چھٹے، پاکستان 227پوائنٹس کے ساتھ ساتویں، سری لنکا 207پوائنٹس کے ساتھ آٹھویں، بنگلہ دیش 193پوائنٹس کے ساتھ نویں اور آئرلینڈ کی ٹیم 188پوائنٹس کے ساتھ دسویں نمبر پر ہے۔ایک روزہ کرکٹ میں بھی آسٹریلیا کا راج ہے، انگلینڈ دوسرے، بھارت تیسرے، نیوزی لینڈ چوتھے، جنوبی افریقہ پانچویں، ویسٹ انڈیز چھٹے اور پاکستان کی ٹیم ساتویں نمبر پر ہے۔ سری لنکا آٹھویں، بنگلہ دیش نویں اور آئرلینڈ کی ٹیم دسویں نمبر پر ہے۔ بیٹنگ میں نیوزی لینڈ کی سوزی بیٹس کا راج ہے، پاکستانی بسمعہ معروف کا 16واں اور جویریہ خان کا 20واں نمبر ہے۔

موضوعات:

آج کی سب سے زیادہ پڑھی جانے والی خبریں