اسلام آباد(مانیٹرنگ ڈیسک)ایشیا کپ کے سپر فور مرحلے کے پہلے میچ  پاکستان بمقابلہ افغانستان میں آخری اوور کروانے والے افغانستان کے باﺅلر آفتاب عالم پاکستان کی جیت پر روپڑے جس پرپچ پر موجود پاکستانی بلے بازوں نے اعلیٰ ظرفی کا مظاہرہ کرتے ہوئے ان کوحوصلہ دیا ۔تفصیلات کے مطابق سپر فور کے پہلے میچ میں پاکستان اور افغانستان کے مابین میچ میں آخری اوورکروانے پر افغانستان کے باﺅلر آفتاب عالم اس وقت روپڑے جب

پاکستانی بلے بازوں نے ان کے اوورز کی پہلی تین گیندوں پر بہترین کارکردگی کا مظاہرہ کرتے ہوئے مطلوبہ ہدف پورا کرکے میچ جیت لیا ۔ اس موقع پر پچ پرموجودپاکستان کی طرف سے بیٹنگ کرنے والے شعیب ملک اور حسن علی نے آفتا ب عالم کودلاسہ دیا اور ہمت بڑھائی ۔انہوں نے افغانی باﺅلر کو حوصلہ دیتے ہوئے کہا کہ افغانستان نے میچ ہار دیا لیکن دل جیت لئے ۔پاکستان اور بھارت کے درمیان سپر فور مرحلے کا اہم میچ کل کھیلا جائیگا۔

موضوعات:ایشیا کپ سپر فور