انگلش بورڈ نے پاکستان کیخلاف سیریز کے شیڈول کا اعلان کر دیا،ایک ٹی ٹوئنٹی اور 5ون ڈے میچز کھیلے جائیں گے، تفصیلات جاری

  جمعرات‬‮ 19 جولائی‬‮ 2018  |  23:22

لندن(آئی این پی)انگلینڈکرکٹ بورڈ نے پاکستان کیخلاف ورلڈ کپ سے قبل سیریز کے شیڈول کا اعلان کر دیا جس کے مطابق پاکستان اگلے برس ورلڈ کپ سے پہلے انگلینڈ کے خلاف ایک ٹی ٹوینٹی اور پانچ ون ڈے میچز کھیلے گا۔ انگلش کرکٹ بورڈ کی جانب سے جاری شیڈول کے مطابق پاکستان اگلے برس ورلڈ کپ سے قبل انگلینڈ میں ایک ٹی ٹوئنٹی اور 5ون ڈے میچز کھیلے گا۔ای سی بی کے مطابق سیریز کا واحد ٹی ٹونٹی میچ 5مئی کو کارڈف کے صوفیہ گارڈن میں کھیلا جائے گاجس کے بعد دونوںٹیموں کے درمیان ایک روزہ میچوں کی سیریز ہو

گی۔سیریز کا پہلا ون ڈے 8مئی کو اوول اور دوسرا 11مئی کو ساتھ ہمپٹن میں کھیلا جائے گا۔دونوں ٹیموں کے درمیان تیسرا ون ڈے 14مئی کو برسٹل میں کھیلا جائے گا۔سیریز کے چوتھے ایک روزہ میچ میں دونوں ٹیمیں 17مئی کو ناٹنگھم میں مد مقابل ہوں گی جب کہ پانچواں اور آخری میچ 19مئی کو ہیڈنگلے میں کھیلا جائے گا۔ورلڈ کپ سے قبل انگلینڈ کے خلاف ون ڈے سیریز سے پاکستان کو انگلش کنڈیشن سمجھنے کا بہترین موقع میسر آ جائے گا۔

آج کی سب سے زیادہ پڑھی جانے والی خبریں