اسلام آباد (مانیٹرنگ ڈیسک)شاہد آفریدی کے کشمیریوں کے حق میں آواز بلند کرنےپر بھارتیوں کو آگ لگی ہوئی ہے اور ہر طرف سے ردعمل دیا جا رہا ہے لیکن بھارتی کرکٹر شیکھر دھون تمام حدیں پار کر گیا ہے ۔ کشمیریوں کے قتل عام پر اقوام متحدہ سے نوٹس لینے کا شاہد آفریدی کے مطالبے پر مسئلہ کشمیر پر بحث دونوں ملکوں میں شروع ہو چکی ہے اور بیہودہ بھارتی میڈیا حقائق کو مسخ کر کے پروگرامز جاری رکھے ہوئے ہے اور بھارتی کرکٹرز

بھی اب اس میں شامل ہو چکے ہیں ، گوتم گھمبیر، سریش رائنا اور ویرات کوہلی کے بعد شیکھر دھون بھی اب میدان میں کود پڑا ہے۔ سماجی رابطوں کی ویب سائٹ ٹویٹر پر اپنے پیغام میں شیکھر دھون نے شاہد آفریدی کے کشمیریوں کے قتل عام پر اپنے ردعمل میں کہا ہے کہ ”پہلے اپنے ملک کی حالت ٹھیک کرو. اپنی سوچ اپنے پاس رکھو. اپنے ملک کا جو ہم کر رہے ہیں وہ اچھا ہی ہے اور آگے جو کرنا ہے وہ ہمیں اچھے سے معلوم ہے. زیادہ دماغ مت لگاؤ.“

موضوعات:شاہد آفریدی شیکھر دھون