کراچی (مانیٹرنگ ڈیسک) پاکستان سپر لیگ کے تیسرے ایڈیشن کے آغاز پر ہی سٹہ بازوں نے اپنی سرگرمیوں کا آغاز کر دیا ہے ، سٹہ بازوں نے پہلے میچ میں پشاور زلمی کو فیورٹ قرار دیا ہے ، پی ایس ایل کے پہلے میچ میں کروڑوں روپے کا سٹہ ہونے کا امکان ہے، کراچی میں سٹہ بازوں نے ڈیفنس، بہادر آباد سمیت دیگر علاقوں میں اپنے ڈیرے جمالیے ہیں۔ واضح رہے کہ افتتاحی تقریب کے اختتام کے بعد میچ کا آغاز ہو چکا ہے،

پاکستان سپر لیگ(پی ایس ایل) کے افتتاحی میچ میں ملتان سلطان نے ٹاس جیت کر پہلے پشاور زلمی کو بیٹنگ کی دعوت دی ہے۔دبئی کرکٹ اسٹیڈیم میں کھیلے جا رہے پی ایس ایل 2018 کے افتتاحی میچ میں ملتان سلطان کے کپتان شعیب ملک نے ٹاس جیت کر وکٹ پر موجود گھاس کو دیکھتے ہوئے پہلے باؤلنگ کا فیصلہ کیا۔شعیب ملک نے کہا کہ یہ ہمارا پی ایس میں پہلا میچ ہے لیکن ہم پیشہ ورانہ کرکٹر ہیں اس لیے جلد ایڈجسٹ کر لیں گے۔انہوں نے کہا کہ ہمارے چار غیر ملکی کھلاڑیوں میں کمار سنگاکارا، کیرون پولارڈ، عمران طاہر اور ہرڈس ولجوئن شامل ہیں۔پشاور زلمی کے کپتان ڈیرن سیمی نے کہا کہ ٹاس جیتنے کی صورت میں ہم بھی پہلے باؤلنگ کرتے لیکن ہم بیٹنگ کیلئے مکمل تیار ہیں اور پہلے چھ اوورز میں کنڈیشنز کا جائزہ لیں گے۔ایک نجی ٹی وی چینل کی رپورٹ کے مطابق گزشتہ دو سال کے دوران دو کامیاب ایڈیشنز کے بعد پاکستان سپر لیگ کے تیسرے ایڈیشن کا دبئی کا آغاز ہو چکا ہے اور ایک ماہ سے زائد عرصے تک جاری رہنے والے اس ایونٹ کا اختتام 25 مارچ کو ہو گا جب لیگ کی دو بہترین ٹیمیں کراچی کے نیشنل اسٹیڈیم میں ٹائٹل کے حصول کیلئے نبردآزما ہوں گی۔ پاکستان سپر لیگ کے تیسرے ایڈیشن کے آغاز پر ہی سٹہ بازوں نے اپنی سرگرمیوں کا آغاز کر دیا ہے ، سٹہ بازوں نے پہلے میچ میں پشاور زلمی کو فیورٹ قرار دیا ہے ، پی ایس ایل کے پہلے میچ میں کروڑوں روپے کا سٹہ ہونے کا امکان ہے

موضوعات:پاکستان سپر لیگ