لندن (این این آئی)انگلش ٹیم کے سٹار آل رائونڈر بین سٹوکس کو کریمنل چارج کیس میں غیر مشروط ضمانت مل گئی، سٹوکس (آج) جمعہ کو نیوزی لینڈ میں انگلش سکواڈ کو جوائن کریں گے ۔میڈیا رپورٹ کے مطابق گزشتہ روز سٹوکس مجسٹریٹس کورٹ کے سامنے پیش ہوئے اور انہوں نے چارج کے خلاف اپیل دائر کی ٗعدالت نے سماعت کے بعد سٹوکس کو غیر مشروط ضمانت دیتے ہوئے کیس برسٹول کرائون کورٹ کے حوالے کر دیا۔

جہاں پر ان کے مقدمے کی پہلی سماعت 12 مارچ کو ہو گی اور اس میں انہیں پیش ہونے کی ضرورت نہیں ہوگی۔ انگلینڈ اینڈ ویلز کرکٹ بورڈ کے ترجمان کے مطابق غیر مشروط ضمانت ملنے کے بعد سٹوکس اب (آج) جمعہ کو نیوزی لینڈ میں انگلش سکواڈ جوائن کریں گے، رواں سہ ملکی ٹی ٹونٹی سیریز کیلئے ان کے نام پر غور نہیں کیا جائیگا تاہم ان کی نیوزی لینڈ کے خلاف ون ڈے سیریز میں شرکت کا فیصلہ بھی ٹیم مینجمنٹ کرے گی۔

موضوعات:کریمنل چارج کیس،بین سٹوکس