لاہور (آن لائن)قومی کرکٹ ٹیم کے مایہ ناز آل راؤنڈر محمد حفیظ اپنے مشکوک( غیر قانونی) باؤلنگ ایکشن کو درست کروانے کے لئے آئندہ چند روز میں انگلینڈ روانہ ہوں گے ۔ بائیو مکینسٹ ڈاکٹر پال ہورین اور باؤلنگ کوچ کیرل کرو انگلینڈ میں ان کے باؤلنگ ایکشن کا جائزہ لیں گے ۔ وہ سنیل نارائین کے باؤلنگ ایکشن پر بھی کامیابی سے کام کرچکے ہیں ۔جبکہ قومی ٹیم کے باؤلنگ کوچ اظہر محمود جو کہ پہلے ہی انگلینڈ میں موجود ہیں ان کے

باؤلنگ ایکشن کے جائزہ کے دوران وہاں موجود ہوں گے ۔بائیو مکینسٹ ڈاکٹر پال اور کیرل کرو محمد حفیظ کے باؤلنگ ایکشن کا جائزہ لینے کے بعد اس کی درستگی کے لئے ایک ایکشن پلان بنائیں گے جس پر اظہر محمو،علی ضیا ،سجاد اکبر ،سلیم جعفر اور علیم ڈار پر مشتمل کمیٹی عمل در آمد کروائے گی ۔کمیٹی پی سی بی کی محمد حفیظ کو باؤلنگ ایکشن کے ٹیسٹ کے لئے انٹرنیشنل لیبارٹری میں بھجوانے سے قبل پی سی بی کی بائیو مکینک لیب میں ان کے باؤلنگ ایکشن کا ٹیسٹ بھی لے گی ۔۔

موضوعات:محمد حفیظ