بھارت کیخلا ف چیمپئنز ٹرافی کے فائنل سے قبل کس کی ویڈیو دیکھی،باؤلر نہیں بلکہ کیا بننا چاہتاتھا؟حسن علی کے حیرت انگیزانکشافات

  بدھ‬‮ 6 دسمبر‬‮ 2017  |  19:27

لاہور(آئی این پی)قومی ٹیم کے فاسٹ باؤلر حسن علی نے انکشاف کیا ہے کہ وہ بھارت کیخلاف چیمپئنز ٹرافی کے فائنل میں اپنے ہیرو وقار یونس کی ویڈیوز دیکھنے کے بعد کھیلے تھے۔ایک انٹر ویو میں حسن علی کا کہنا تھا کہ وقار یونس باؤ لنگ میں ان کے آئیڈیل تھے ،وہ پہلے ہر پاکستانی بچے کی طرح بلے باز بننا چاہتے تھے تاہم جب1999-2000 میں انہوں نے وقار یونس کو باؤ لنگ کرتے دیکھاتو تبھی فیصلہ کرلیا کہ وہ انہی کی طرح کے فاسٹ باؤ لر بننا چاہتے ہیں۔حسن علی کا کہنا تھا کہ انہیں وقار یونس کی ریورس

سوئنگ اور یارکرز بہت پسند تھے اور و ہ بھارت کے خلاف چیمپئنز ٹرافی کا فائنل کھیلنے سے قبل بھی انگلینڈ کیخلاف ون ڈے میچ میں ان کی 7وکٹوں کی پرفارمنس یوٹویب پر دیکھ رہے تھے ،ان میں سے بہت سی وکٹیں وقار نے ریورس سوئنگ کی بجائے نئی گیند پر حاصل کی تھیں۔

آج کی سب سے زیادہ پڑھی جانے والی خبریں