لاہور(مانیٹرنگ ڈیسک)2009ء میں سری لنکن ٹیم کو دہشتگردوں کے حملے سے بچا کر بحفاظت منزل تک پہنچانے والے بس ڈرائیور مہرخلیل نے ایک بار پھر مہمان کھلاڑیوں کی بس چلانے کی خواہش کا اظہار کیا ہے۔نجی ٹی وی کے مطابق مہر خلیل کا کہنا تھا کہ سری لنکن کھلاڑی پاکستان آئیں۔مہر خلیل نے جے وردھنے اور سنگا کارا سمیت سینئر

کھلاڑیوں سے اپیل کی ہے کہ وہ موجودہ لنکن ٹیم کے کھلاڑیوں کو پاکستان آنے کا مشورہ دیں۔سری لنکن ٹیم کے آنے سے پاکستان میں بین الاقوامی کرکٹ کی سرگرمیوں کی بحالی میں مدد ملے گی۔بس ڈرائیور مہر خلیل نے 3مارچ 2009ء کو دہشتگردوں کے حملے کے دوران جرات اور بہادری کا مظاہرہ کرکے کھلاڑیوں کو بحفاطت اسٹیڈیم پہنچایا تھا۔

موضوعات:بس ڈرائیور مہرخلیل