ابوظہبی(مانیٹرنگ ڈیسک) پاکستان اور سری لنکا کے درمیان ابوظہبی کے میدان پر کھیلے گئے دوسرے ون ڈے کے مرد میدان شاداب خان نے اپنی شاندار کارکردگی کو محنت کا نتیجہ قرار دیا۔ان کا کہنا تھا کہ میں اس بات پر یقین رکھتا ہوں کہ جتنی محنت کی جائے پھل بھی اتنا ہی نصیب ہوتا ہے۔ انٹرویو کے دوران ایک سوال کے جواب میں ان کا کہنا تھا کہ سیریز شروع ہونے سے قبل یہ بات میرے ذہن میں تھی کہ میں نے کبھی مین

آف دی میچ کا اعزاز حاصل نہیں کیا تو میری کوشش یہی تھی کہ نہ صرف مین آف دی میچ بلکہ مین آف دی سیریز کیا اعزاز بھی حاصل کریں۔انٹرویو کے دوران ان سے یہ سوال بھی کیا گیا کہ پہلے میچ میں بابر اعظم نے سنچری اسکور کی لیکن مرد میدان شعیب ملک قرار پائے اور دوسرے میچ میں پھر سنچری بنائی لیکن مین آف دی میچ کا ایوارڈ آپ کو دیا گیا تو بابر کا اس حوالے سے کیا کہنا ہے؟ اس کے جواب میں انہوں نے کہا کہ بابر اعظم کا یہی کہنا ہے کہ میں سنچریاں اسکور کرتا رہوں ٹیم جیتتی رہے چاہے مین آف دی میچ کا اعزاز کسی کوبھی ملے۔

موضوعات:بابر اعظم