اسلام آباد (مانیٹرنگ ڈیسک) سری لنکا کی ٹیم تیسرا ٹی ٹوئنٹی میچ لاہور کے قذافی سٹیڈیم میں کھیلے گی، تفصیلات کے مطابق سری لنکا کے کرکٹ بورڈ نے دورہ پاکستان کی تصدیق کردی ہے جس کے بعد سری لنکا کی ٹیم لاہور میں پاکستان کے خلاف ایک ٹی ٹوئنٹی میچ کھیلے گی جو کہ 29 اکتوبر کو کھیلا جائے گا، سری لنکا کی ٹیم 28 اکتوبر کو لاہور پہنچ جائے گی، اس ٹیم میں کون سے کھلاڑی شامل ہوں گے ان کا اعلان 17 اکتوبر کو کیا جائے گا،

نیوزی لینڈ میں آئی سی سی اجلاس کے موقع پر نجم سیٹھی سے سری لنکن کرکٹ بورڈ کے اعلی حکام کی ملاقات ہوئی تھی جنہوں نے لاہور میں تیسرے ٹی ٹونٹی میچ کھیلنے کے لیے آمادگی ظاہر کی تھی لیکن کچھ کھلاڑیوں کے سکیورٹی خدشات کے باعث یہ میچ تذبذب کا شکار ہو گیا تھا مگر اب سری لنکن کرکٹ بورڈ کی جانب سے باضابطہ اعلان کردیا گیا ہے کہ سری لنکا کی ٹیم 29 اکتوبر کو پاکستان کے خلاف تیسرا ٹی ٹوئنٹی میچ لاہور میں کھیلے گی۔

موضوعات:تیسرا ٹی ٹوئنٹی میچ