بھارت میں آسٹریلوی کرکٹ ٹیم پر حملہ

  بدھ‬‮ 11 اکتوبر‬‮ 2017  |  0:34

گوہاٹی(نیوزڈیسک)بھارت میں آسٹریلوی کرکٹ ٹیم پر حملہ،تفصیلات کے مطابق بھارت میں ہندوانتہا پسند وں نے بھارتی ٹیم کی آسٹریلوی کرکٹ ٹیم کے ہاتھوں شکست کے بعد آسٹریلوی کرکٹ ٹیم کی بس پر حملہ کر دیا ہے ، انتہا پسندوں کے حملے میں بس کے شیشے ٹوٹ گئے ہیں جبکہ کھلاڑیوں کے بارے میں اطلاعات ہیں کہ وہ محفوظ ہیں ، تفصیلات کے مطابق سٹیڈیم سے ہوٹل واپس جانے والی آسٹریلوی کرکٹ ٹیم کی بس پرہندو انتہاپسندوں نے حملہ کردیا ہے جس کے نتیجے میں بس کے شیشے ٹوٹ گئے ہیں، حملے کے بعد آسٹریلوی کرکٹ ٹیم کے کھلاڑی شدید خوف

و ہراس کا شکار ہیں ،آسٹریلوی کھلاڑی ایرون فنچ نے حملے کی تصاویر ٹوئٹر پر شیئر کرتے ہوئے حملے کی شدید مذمت کی ہے ان کا کہنا تھا کہ حملے کے بعد ہم خود کو انتہائی غیر محفوظ محسوس کررہے ہیں واضح رہے کہ بھارت اور آسٹریلیاکے مابین دوسرے ٹی 20 میچ میں آسٹریلیا نے ٹاس جیت کر میزبان کو کھیلنے کاموقع دیا،جہاں آسٹریلوی باولر نے بھارتی بلے بازوں کوشروع سے ہی دباو میں رکھا،8رنز پر ان کے دو بلے باز پویلین لوٹ چکے تھے ،جن میں روہت شرما8اورکپتان ویرات کوہلی بغیرکوئی رنز بنائے چلتے بنے،جبکہ منیش پانڈے 6رنز بناکرپویلین لوٹ گئے ،بھارت کی اننگ میں 27رنز پر اس کے چار بڑے کھلاڑی پویلین لوٹ چکے تھے۔ہردیک پانڈیااورکلدیپ یادیو نے آٹھویں وکٹ کی شراکت میں33 رنز بناکر اپنی ٹیم کو ایک مناسب ہدف تک پہنچانے میں اہم کردار ادا کیا،بھارت کی جانب سے کیدار جادیو کے 27اور ہردیک پانڈیا کے 25رنز نمایاں ہیں،بھارت کی اننگ کے چھ بلے باز ڈبل فگرمیں شامل نہیں ہوسکے۔جیسن بہرینڈروف نے تباہ کن باولنگ کرتے ہوئے بھارت کے پہلے 4بلے بازوں کوپویلین بھیجا،جبکہ اٰیڈم زمپا نے 2،تیتھن کونٹلر نائیل ،اینڈریو ٹائی اور مارک سٹونز نے ایک ،ایک وکٹ حاصل کی۔آسٹریلوی ٹیم جب بھارت کی جانب دئیے گئے ہدف کے لئے میدان میں اتری تو ان کو پہلانقصان 11رنزپرہواجب ڈیوڈ وارنر محض رنز2رنز بناکرپویلین لو ٹ گئے ،اس کے بعد 13رنز پر ان کی دوسری وکٹ گری جب ارون فنچ2رنز بنا کرجسپت بمرا کے ہاتھوں اپنی وکٹ گنوا بیٹھے،اس کے بعد موسس ہنری کیوس اورر ٹریوس ہیڈنے 109رنزکی ناقابل شکست شراکت داری سے اپنی ٹیم کوفتح سے ہمکنار کروا دیا۔

آج کی سب سے زیادہ پڑھی جانے والی خبریں