لاہور (این این آئی)کرکٹر سلمان بٹ اور فاسٹ بولر محمد آصف پر سپاٹ فکسنگ کی سزا ختم ہوگئی ، آج ( منگل ) قائد اعظم ٹرافی کے میچز میں انٹری دیں گے۔ ذرائع کے مطابق آج ( منگل ) سے قائد اعظم ٹرافی کے میچز شروع ہوں گے جس میں کرکٹر سلمان بٹ اور فاسٹ بولر محمد آصف بھی ایکشن

میں نظر آئیں گے۔ میڈیا سے گفتگوکرتے ہوئے کرکٹر سلمان بٹ نے کہا کہ ماضی کو بھلا کرکٹ کھیلنا چاہتا ہوں اور کسی بھی سطح پر پاکستان کی نمائندگی کے لئے تیار ہوں۔ انہوں نے کہاکہ میری کوشش ہوگی کہ میں قائد اعظم ٹرافی میں اچھا پرفارمنس کا مظاہر ہ کر کے قومی کرکٹ ٹیم میں شامل ہوجاؤں ۔

موضوعات:سپاٹ فکسنگ کی سزا ختم