آئی سی سی نے آزادی کپ کیلئے پاکستان کو 12 کروڑ روپے سے زائد رقم دیدی

  بدھ‬‮ 13 ستمبر‬‮ 2017  |  17:46

لاہور(آئی این پی)آئی سی سی نے آزادی کپ میں مدد کیلئے پی سی بی کو 12 کروڑ روپے سے زائد کی رقم دیدی۔ میڈیا رپورٹس کے مطابق آئی سی سی نے پاکستان کو آزادی کپ کے انعقاد میں سپورٹ کر نے کے لئے 12 کروڑ روپے دیئے۔ یہ رقم پی سی بی کی جانب سے عالمی سکیورٹی ادارے کو دی جائے گی جسے اس موقع پر ہائر کیا گیا ہے۔ذرائع کے مطابق ملک میں عالمی کرکٹ کے نہ ہونے کی وجہ سے پاکستان 2016 سےآئی سی سی سے مطالبہ کر رہا تھا کہ اس کیلئے ایک فنڈ مختص کیا جائے

تا کہ نقصانات کا ازالہ ہوسکے، تاہم آئی سی سی نے کسی قسم کا فنڈ بنانے سے انکار کیا تھا۔ اس کے ساتھ ادارے نے اس بات کا بھی عندیہ دیا تھا کہ وہ مختلف مواقعوں پر کسی نہ کسی مد میں پاکستان کی مدد کریگا۔ ذرائع کے مطابق آئی سی سی کی سکیورٹی ٹیم نے غیر ملکی کھلاڑیوں کو پاکستان لانے میں بھی اہم کردار ادا کیا ہے۔

موضوعات:

آج کی سب سے زیادہ پڑھی جانے والی خبریں