لاہور(مانیٹرنگ ڈیسک ) انٹرنیشنل کرکٹ کونسل کے ایلیٹ پینل میں شامل پاکستانی امپائر علیم ڈار نے داڑھی رکھ لی۔ان کا کہنا ہے کہ جنوبی افریقہ کے کھلاڑی ہاشم آملہ نے داڑھی کی اہمیت کو اجاگر کیا جس کے بعد اسے رکھنے کا فیصلہ کیا۔لاہور میں میڈیا سے گفتگو کرتے ہوئے ایک سوال کے جواب میں داڑھی رکھنے کے راز سے پردہ اٹھاتے ہوئے انہوں نے کہا کہ جنوبی افریقا کے بلے باز ہاشم آملہ نے داڑھی رکھنے کی درخواست کی اور اس

کی اہمیت کو اجاگر کیا۔انہوں نے کہا کہ ہاشم آملہ نے مجھے داڑھی رکھنے کی طرف مائل کرتے ہوئے گزارش کی کہ داڑھی رکھ لیں۔علیم ڈار نے کہا کہ افریقی بلے باز کی اس بات نے بہت متاثر کیا جس کے بعد میں نے داڑھی رکھنے کا فیصلہ کیا۔ پسندیدہ امپائر کے حوالے سے پوچھے جانے والے سوال کے جواب میں انہوں نے کہا کہ ویسٹ انڈیز سے تعلق رکھنے والے امپائر اسٹیو بکنر کی امپائرنگ نے ہمیشہ متاثر کیا بلکہ وہی میرے پسندیدہ ترین امپائر ہیں۔

موضوعات:علیم ڈار ہاشم آملہ