اسلام آباد (مانیٹرنگ ڈیسک) چین کی سرزمین پر بڑا مقابلہ، پاکستان نے بھارت کو ایسی عبرتناک شکست دیدی کہ مدتوں یاد رکھے گا، تفصیلات کے مطابق پاکستانی فٹ بال ٹیم نے بھارت کو چائنہ میں 12-0 سے شکست دے دی، پاکستان میں فٹ بال جیسے کھیل پر کوئی خاص توجہ نہیں دی جاتی اور نہ کوئی خاص کوریج دی جاتی ہے یہی وجہ ہے کہ اس میچ کی خبر بھی کسی چینل نے نہیں چلائی، یہی وجہ ہے کہ پاکستانی شائقین کو اس شاندار فتح کا پتہ نہ چل سکا، چین میں جاری انڈر 18 گوتھیہ فٹ بال کپ میں اسلام آباد فٹ بال ایسوسی ایشن نے بھارت کی ٹیم

رائزنگ سن سوکر اکیڈمی کو 12-0سے شکست دے دی۔ پاکستان کے کھلاڑیوں نے شاندار کھیل پیش کرتے ہوئے پہلے ہاف میں بھارت کے خلاف 7گول کرکے میچ اپنے حق میں کر لیا۔ پاکستان کی طرف سے حسام خان نے 4، شہریار خان نے 3 اور علی امام نے 2 گول اپنے نام کیے جبکہ نوفل حسین، احتشام اور عبداللہ شاہ نے ایک ایک گول کرکے جیت میں اہم کردار ادا کیا۔ اس ٹورنامنٹ میں پاکستان نے چھ میچ کھیلنے ہیں پاکستان نے اب تکچار میچ کھیل لیے ہیں۔ اس سے قبل کھیلے گئے میچوں میں پاکستان نے چین، ایتھوپیا اور بنگلہ دیش کے خلاف فتح حاصل کی ہے۔

موضوعات:بڑا مقابلہ