اسلام آباد(مانیٹرنگ ڈیسک)چیمپئنز ٹرافی میں پاکستان کرکٹ ٹیم میں شامل اسپنر شاداب خان کی قسمت ان پر مہربان، لگژری گاڑی کے مالک بن گئے۔ تفصیلات کے مطابق چیمپئنز ٹرافی میں پاکستان کرکٹ ٹیم کا حصہ بننے والے اسلام آباد سے تعلق رکھنے والے اسپنر 18سالہ شاداب خان پر بھی قسمت کی دیوی مہربان ہو گئی ہے اور وہ

ایک لگژری گاڑی کے مالک بن گئے ہیں۔ سماجی رابطے کی ایک ویب سائٹ پرشاداب خان نے اپنی ایک سیلفی شیئر کی ہے جس میں وہ اپنی نئی ’’ہنڈا‘‘گاڑی کے ساتھ دیکھے جا سکتے ہیں۔ شاداب خان کی گاڑی کا نمبر بھی نایاب ہے ، نمبر پلیٹ پر ’’شاداب خان 1‘‘لکھا ہوا ہے جس کے ساتھ شاداب خان کی سیلفیاں سوشل میڈیا پر وائرل ہو رہی ہیں۔

موضوعات:شاداب خان