اسلام آباد(مانیٹرنگ ڈیسک) چیمپئنز ٹرافی کھیلنے کی ایک فیصد بھی امید نہ تھی،چیمپئنز ٹرافی میں قومی سکواڈ کا حصہ بننے والے پاکستانی فاسٹ بائولررومان رئیس کا انکشاف۔ تفصیلات کے مطابق چیمپئنز ٹرافی میں قومی کرکٹ ٹیم میں شامل فاسٹ بائولر رومان رئیس نے اپنے ایک انٹرویو میں کہنا تھا کہ ویسٹ انڈیز کے دورے سے واپسی کے بعد میں کراچی میں رمضان کپ کھیلنے میں مصروف تھا

جب مجھے پی سی بی کی جانب سے انگلینڈ بھیجے جانے کی خبر موصول ہوئی۔ انہوں نے کہا کہ یہ ان کیلئے بڑی خبر تھی جس کی وہ بالکل بھی توقع نہیں کر رہے تھے۔ رومان رئیس نے چیمپئنز ٹرافی میں کامیابیوں کو اللہ کا فضل قرار دیا۔ واضح رہے کہ رومان رئیس نے چیمپئنز ٹرافی سیمی فائنل میں انگلینڈ کے خلاف شاندار کارکردگی کا مظاہرہ کیا تھااور یلکس ہیلز اور لیام پلنکٹ کی وکٹیں حاصل کی تھیں۔

موضوعات:رومان رئیس