اسلام آباد (مانیٹرنگ ڈیسک)قومی ٹیم ٹکڑیوں میں وطن واپس پہنچ رہی ہے ۔ سرفراز احمد ، رومان رئیس، حسن علی اور شاداب خان پاکستان پہنچ چکے ہیں ۔ میڈیا رپورٹس کے مطابق باقی تینوں کرکٹرز نے تو وطن واپس پہنچتے ہی اپنے اپنے گھروں کا رخ کیا مگر بھارتیوں کی وکٹیں اڑانے والے حسن علی گھر جانے کی بجائے نیشنل کرکٹ اکیڈمی پہنچے اور وہاں سحری کا اہتمام کیا اور پھر گھر کی جانب روانہ ہوئے ۔

دوسری جانب قومی ٹیم کے مایہ ناز کھلاڑی شاداب خان کے پاکستان پہنچتے ہی انہیں سر آنکھوں پر بٹھایا گیا ۔ میڈیا نے سوال کیا : شاداب بھائی پاکستان کی جیت کا کریڈٹ اورآپ کی بہترین کارکردگی کے پیچھے کس کی دعائیں ہیں ؟ تو بولے کہ میری والدہ اس حوالے سے بے حد دعائیں کرتی ہیں ۔ جب میرامیچ ہو تو وہ میرے لئے خصوصی طور پر روزہ رکھتی ہیں اور دعائیں کرتی ہیں ۔

موضوعات:حسن علی