پاکستان کا خوف ہے یا ۔۔۔؟ بھارتی کرکٹ ٹیم نے میچ سے پہلے ہی کیا بیان دیدیا ؟

26  مئی‬‮  2017

ممبئی(این این آئی)بھارتی ٹیم کے کپتان ویرات کوہلی نے چیمپیئنز ٹرافی کو ورلڈ کپ سے زیادہ مشکل مقابلہ قرار دیتے ہوئے کہا ہے کہ آئندہ ماہ ہونے والے ایونٹ میں بھارتی ٹیم کو اپنے ٹائٹل کے دفاع کیلئے بہترین کھیل کا مظاہرہ کرنا ہو گا۔بھارت نے 2013 میں مہندرا سنگھ دھونی کی زیر قیادت چیمپیئنز ٹرافی جیتنے کا اعزاز حاصل کیا تھا

ہوم سیزن میں دس ٹیسٹ میچ جیتنے اور آئی پی ایل میں اعلیٰ معیاری کرکٹ کھیلے کے بعد انڈین ٹیم ایک مرتبہ پھر ایونٹ کیلئے فیورٹ قرار دیا جا رہا ہے۔ٹیم کی ممبئی سے انگلینڈ روانگی کے وقت میڈیا سے گفتگو کرتے ہوئے ویرات کوہلی نے کہا کہ جیت کی بھوک اور حریف ٹیم سے میدان میں بے رحمی سے نمٹنے کی سوچ کی بدولت ہی ہم نے حالیہ سیزن کے دوران ٹیسٹ کرکٹ میں عمدہ کھیل کا مظاہرہ کیا۔انہوں نے چیمپیئنز ٹرافی کو ورلڈ کپ سے زیادہ مشکل مقابلہ قرار دیتے ہوئے کہا کہ ورلڈ کپ میں راؤنڈ میچز کے سبب غلطی کے بعد سنبھلنے کی گنجائش ہوتی ہے لیکن اس ٹورنامنٹ میں دنیا کی آٹھ بہترین ٹیمیں شرکت کر رہی ہیں لہٰذا اس میں مسابقت بہت زیادہ ہو گی اور پہلے ہی میچ سے ہمیں بہترین کھیل کا مظاہرہ کرنا ہو گا۔یاد رہے کہ ہندوستان کے موجودہ اسکواڈ میں 2013 کی چیمپیئنز ٹرافی جیتنے والے آٹھ کھلاڑی موجود ہیں اور نئے باصلاحیت کھلاڑیوں کی آمد کے ساتھ دفاعی چمپئن ٹیم ایونٹ کی سب سے فیورٹ ٹیم قرار دی جا رہی ہے۔کوہلی نے تجربہ کار دھونی اور یوراج سنگھ کو بیٹنگ لائن کے دو اہم ستون قرار دیتے ہوئے کہا کہ ان دونوں کے پاس بہت تجربہ ہے اور اگر انہیں اپنے مزاج کے مطابق مڈل آرڈر میں کھیلنے کا موقع فراہم کیا جائے تو یہ میچ جتانے کا ہنر سب سے بہترین طریقے سے جانتے ہیں۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…