عمر اکمل کا تنازعہ،متبادل کون؟انضمام الحق نے اعلان کردیا

22  مئی‬‮  2017

لاہور(آئی این پی) قومی کرکٹ ٹیم کے چیف سلیکٹر انضمام الحق نے تصدیق کی ہے کہ عمر اکمل فٹنس مسائل کے باعث چیمپئنز ٹرافی میں شریک نہیں ہوسکیں گے، حارث سہیل اور عمر امین سے کسی ایک کو عمر اکمل کی جگہ چیمپینز ٹرافیکیلئے بھیجا جائے گا۔لاہور میں میڈیا سے بات کرتے ہوئے چیف سلیکٹر قومی ٹیم انضمام الحق کا کہنا تھا کہ عمر اکمل پاکستان کپ سے قبل فٹ تھے

لیکن ٹیم مینجمنٹ ہر سیریز سے پہلے ہر کھلاڑی کا فٹنس ٹیسٹ لیتی ہے اور جب برمنگھم میں چیمپئنز ٹرافی کے لئے لگائے کیمپ میں عمراکمل کا 2 بار ٹیسٹ لیا گیا تو وہ دونوں بار فٹنس ٹیسٹ میں فیل ہوئے اس لیے انہیں انگلینڈ سے وطن واپس بھیجا جارہا ہے۔ ان کا کہنا تھا کہ عمراکمل آسٹریلیا ٹور میں بھی فٹ نہیں تھے انہیں فٹنس پر توجہ دینا ہوگی۔انضمام الحق نے کہا کہ حارث سہیل اور عمر امین نے پاکستان کپ میں پرفارم کیا ہے ان کے نام سلیکشن کے لئے زیر غور ہیں اور ان دونوں کھلاڑیوں میں سے کسی ایک کو عمر اکمل کی جگہ چیمپینز ٹرافی کے لیے بھیجا جائے گا۔۔ایک نجی ٹی وی کی اطلاعات کے مطابق عمر اکمل جنھیں قومی سلیکشن کمیٹی نے دورہ ویسٹ انڈیز کی لئے فٹنس کو بنیاد بنا کر ٹیم سے ڈراپ کر دیا تھا،انھیں ٹیم مینجمنٹ نے برمنگھم میں فٹنس ٹیسٹ میں ناکام ہو نے کی رپورٹ پیش کی ہے۔اس خبر کے منظر عام پر آنے کے بعد اب اس بات کی بازگشت ہے کہ کوچ مکی آرتھر یہ فیصلہ کرینگے ،آیا عمر اکمل چیمپئنز ٹرافی کے دوران ٹیم کیساتھ رہ بھی سکتے ہیں یا نہیں۔دوسری جانب اطلاعات ہیں کہ قومی ٹیم کے ٹرینر گرانٹ لوڈن بھی عمر اکمل کی فٹنس پر تحفظات رکھتے ہیں ،حیران کن امر یہ ہے کہ 17مئی سے برمنگھم میں شروع ہونے والے قومی ٹیم کے پریکٹس سیشن میں مڈل آرڈر بیٹس مین کو نیٹ پر بیٹنگ کرنے کا موقع نہیں مل سکا ہے۔

بیٹنگ نہ ملنے کا واضح مطلب ہے کہ کوچ مکی آرتھر چیمپئنز ٹرافی میں عمر اکمل کی سلیکشن پر قومی سلیکشن کمیٹی سے متفق نہیں ۔اب سوال یہ پیدا ہوتا ہے کہ اگر عمر اکمل فٹنس میں مکمل طور پر پورے نہیں اترتے تو انھیں کس بنیاد پر منتخب کیا گیا ہے۔اب عمر اکمل کی فٹنس کا پرچہ آوٹ ہو چکا ہے،دیکھیں نتیجہ کیا نکلتا ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…