اسلام آباد(مانیٹرنگ ڈیسک) سابق ویسٹ انڈین بلے باز اور لیجنڈ کرکٹر برائن لارا کو پی ایس ایل کی رونقوں نے بے چین کر دیا۔ پی ایس ایل کا حصہ بننے کی خواہش کا اظہار کر دیا۔ تفصیلات کے مطابق قومی ٹیم کے سابق کوچ وقاریونس کے ہمراہ پریس کانفرنس کے دوران ویسٹ انڈین لیجنڈری بلے باز برائن لارا کا کہنا تھا کہ پاکستان میں بین الاقوامی کرکٹ کی واپسی کا بے چینی سےانتظار ہےجبکہ

پی ایس ایل میں ویسٹ انڈین کرکٹر ز کو کھیلتا دیکھ کر خوشی ہوئی ہے۔مجھے اس بات پر فخر ہے کہ ڈیرن سیمی نے پی ایس ایل کا فائنل پاکستان میں کھیلا۔برائن لارا نے کہا کہ اگر انہیں سکیورٹی کی مناسب یقین دہانی کرائی جائے تو وہ پی ایس ایل میں کوچنگ کرنا چاہتے ہیں۔ اس موقع پر وقار یونس نےکہا کہ پاکستان میں بین الاقوامی کرکٹ جلد بحال ہوگی اور پاکستان کرکٹ کے سنہرے دن لوٹ آئیں گے۔

موضوعات:برائن لارا پی ایس ایل ڈیرن سیمی وقار یونس