اسلام آباد(مانیٹرنگ ڈیسک)پاکستان سپر لیگ فائنل میچ کی فاتح پشاور زلمی کے کپتان ڈیرن سیمی نےعمران خان کے بیان پر ناراضگی کا اظہار کر دیا۔ تفصیلات کے مطابق عمران خان کی پی ایس ایل فائنل میچ کیلئے پاکستان آنے والے غیر ملکی کھلاڑیوں کو ’’پھٹیچر ‘‘اور ’’ریلو کٹا‘‘کہنے پر پی ایس ایل فائنل کی فاتح ٹیم پشاور زلمی کے کپتان ڈیرن سیمی نےناراضگی کا اظہار

کرتے ہوئے کہا ہے کہ ہمارے جذبے کی قدر کرنے کے بجائے ہماری تضحیک کی گئی جو درست نہیں جبکہ ہمیں پھٹیچر قرار دے کر ہمارے جذبات سے کھیلا گیا ہے۔ذرائع کے مطابق پی ایس ایل فائنل کھیلنے کیلئے پاکستان آنے والے ویسٹ انڈین کرکٹرز ڈیرن سیمی اور مارلن سیموئیلز نے اپنی فرنچائز پشاور زلمی انتظامیہ سے رابطہ کر کے ان سے عمران خان کے بیان پر شدید غصے کا اظہار کیا ہے اور کہا کہ عمران خان کے بیان سے ان کی دل آزاری ہوئی ہے جو کہ کسی صورت درست نہیں۔

موضوعات:۔عمران خان ڈیرن سیمی