لاہور (مانیٹرنگ ڈیسک)  جہاں عوام اپنی اپنی ٹیموں کو سپورٹ کر رہے تھےوہیں ان دونوں ٹیمز کے کپتانوں کے بیانات بھی سامنے آئے ۔سرفراز احمد ٹیم کی کامیابی کی دعا کیلئے اپنی والدہ کے پاس گئے تو وہیں ڈیرن سیمی نے جیت کی صورت میں پوری ٹیم کا سر منڈوانے کا اعلان کیا ۔ اس حوالے سے جیتنے کے بعد جب جاوید آفریدی سے رابطہ کیا گیا تو انہوں نے جواب دیا کہ ہم سر ضرور منڈوائیں گے ۔ انہوں نے کہا کہ سب لڑکوں کو عمرے پر لے کر جاؤں گا اور پھر بال بھی کٹوائیں گے ۔

تفصیلات کے مطابق فائنل میں جیت کے بعد میڈیا سے خصوصی گفتگو کرتے ہوئے پشاور زلمی کے مالک جاوید آفریدی نے کہا کہ ٹیم کی فتح لفظوں میں بیان نہیں کر سکتا ،آج میں بہت زیادہ خوش ہوں ۔اس موقع پر انہیں جیت کے بعد سر منڈوانے کا وعدہ یاد دلا یا گیا تو انہوں نے مسکراتے ہوئے کہا کہ ڈیرن سیمی نے مجھ سے سر منڈوانے کی بات کی تھی جس پر انہیں کہا تھا کہ میچ جیت کر سارے کھلاڑیوں کو عمرے پر لے کر جاؤں گا اور پھر اپنا سر بھی منڈوائیں گے ۔

موضوعات:پشاور زلمی جاوید آفریدی