ڈھاکہ (نیوزڈیسک) بنگلہ دیشی کرکٹر روبیل حسین جن کے خلاف مقامی اداکارہ نازنین اختر ہیپی نے زیادتی کا مقدمہ درج کروایا تھا،بری ہوگئے ہیں۔ بنگلہ دیشی پولیس کے مطابق انہیں اداکارہ کے الزامات کے مطابق کوئی ثبوت نہ مل سکا ہے جس پر ڈھاکہ کی ویمن اینڈ چائلڈ ریپریشن ٹریبونل نے کرکٹر کو مقدمے سے بری کرنے کا حکم دے دیا۔ نازنین اختر کے مطابق وہ اس فیصلے کیخلاف اپیل کریں گی۔ نازنین کا کہنا ہے کہ کرکٹر انہیں شادی کا جھانسہ دے کے ان کی عزت لوٹتے رہے اور بعد ازاں وعدے سے مکر گئے۔ نازنین نے ورلڈ کپ میں بنگلہ دیش کی کوارٹر فائنل تک رسائی کے بعد مقدمہ واپس لے لیا تھا تاہم بعد ازاں روبیل حسین کی جانب سے انہیں دھمکی آمیز فون کالز اور ان کی نجی تصاویر کے ذریعے بلیک میلنگ کی کوشش پر معاملہ ایک بار پھر عدالت میں پہنچ گیا۔

مزید پڑھیے:چینی بیماریوں کا علاج کیسے کر رہے ہیں ؟جان کر آ پ بھی حیران رہ جائیں گے