اسلام آباد (عبدالنصیر/ نیوز ڈیسک) پاکستان کرکٹ ٹیم کی بنگلہ دیش کی شرمناک شکست پر اراکین پارلیمنٹ بھی پھٹ پڑے۔ آج قومی اسمبلی کے جلاس میں اراکین پارلیمنٹ پھٹ پڑے۔ اپوزیشن لیڈر خورشید شاہ نے کہا کہ بورڈ میں ایسے بندے لا کر لگا دیئے گئے ہیں جنہوں نے کبھی زندگی میں بھی گیند بیٹ کو ہاتھ نہیں لگایا۔ انہوں نے کہا بورڈ میں پیشہ ور لوگوں کو لایا جائے۔ حکمران جماعت کے شیخ روحیل اصغر نے کہا کہ چیف سلیکٹر ایسے شخص کو لگا دیا گیا ہے جس کا اپنا ریکارڈ بھی شاندار نہیں رہا۔ اس لئے ریاض پیرزادہ جو وزیر کھیل ہیں وہ اپنی وزارت میں بھی اختیار نہیں رکھتے جواب کیا دیں گے۔ جب کہ سابق وزیر کھیل اعجاز جاکھرانی نے کہا پاکستان میں لوگ کرکٹ کو نہ صرف دیکھتے ہیں بلکہ اس سے پیار کرتے ہیں۔ انہوں نے کہا بورڈ خود مختار ہے اس کا یہ مطلب نہیں جو مرضی کرتے رہو۔ ریاض پیرزادہ نے کہا پاکستان کے ہارنے کی وجہ ملک میں انٹرنیشنل کرکٹ کا نہ ہونا ہے۔ انہوں نے کہا اب بنگلہ دیش وہ ٹیم نہیں ہے جو پہلے ہوا کرتی ہے۔ اب وہ ٹیم پہلے سے مضبوط ہو گئی ہے۔

مزید پڑھئے:امریکی اسلحہ عرب ممالک کی جنگوں کو ہوا دے رہا ہے ، نیویارک ٹائمز

واضح رہے کہ بنگلہ دیش نے تاریخ میں پہلی بار پاکستان کو لگاتار دو میچوں میں شکست دے کر سیریز میں فتح حاصل کی ہے۔