سہیل خان کی عدم دستیابی میں بیک اپ بولرز کو تیار رہنے کی ہدایت کردی گئی

13  اپریل‬‮  2015

لاہور(نیوز ڈیسک) انجریز سے گھبرائے پی سی بی نے بیک اپ میں موجود بولرز کو بھی تیار رہنے کی ہدایت کردی، کسی بھی پیسر کو سیریز کے دوران مسئلہ ہوا تو بلاول بھٹی، انور علی یا محمد طلحہ کو بھجوایا جاسکے گا۔تفصیلات کے مطابق ورلڈکپ سے قبل پاکستان انجریز کی وجہ سے بمشکل اسکواڈ پورا کرپایا تھا، اس بار بھی دو مہرے کھسک چکے،پہلے صہیب مقصود اور اب سہیل خان بنگلہ دیش کیخلاف ون ڈے سیریز سے باہر ہوچکے ہیں،گذشتہ روز ملنے والی اطلاعات کی تصدیق کرتے ہوئے پی سی بی کی جانب سے پریس ریلیز میں کہا گیا ہے کہ پیسر کو تربیتی کیمپ کے دوران کمر کی تکلیف ہوئی، ایم آر آئی اسکین کے بعد انھیں دو سے تین ہفتے ڈاکٹر کی زیر نگرانی رکھنے کا فیصلہ کیا گیا، سلیکشن کمیٹی کے ممبران سے مشاورت اور چیئرمین پی سی بی کی منظوری کے بعد ان کی جگہ فاسٹ بولر جنید خان کو ایک روزہ میچز کی سیریز کیلیے اسکواڈ میں شامل کیا گیا ہے۔ سہیل خان ورلڈ کپ اسکواڈ میں شامل تھے اور انھوں نے 12 وکٹیں حاصل کی تھیں۔چیف سلیکٹر ہارون رشید نے بھی پیسر کے دورہ بنگلہ دیش سے باہر ہونے کی تصدیق کی،انھوں نے کہاکہ سہیل خان کی غیریقینی فٹنس کے باعث جنید خان کو ون ڈے ٹیم میں بھی شامل کرنے کا فیصلہ کیا ہے، ابھی یہ نہیں کہہ سکتے کہ انجری کس حد تک سنگین نوعیت کی ہے لیکن فی الحال انھیں دوہفتے آرام کا مشورہ دیا گیا ہے، واضح رہے کہ جنید خان پہلے ہی پاکستان کے ٹی ٹوئنٹی اور ٹیسٹ اسکواڈ کا حصہ ہیں، پیسر گھٹنے اور ران کی انجری کے باعث اکتوبر سے پاکستان کی نمائندگی نہیں کرسکے تاہم بحالی کے عمل سے گزرنے کے بعد اب ان کی خدمات دستیاب ہیں، دوسری جانب انجریزکے خطرات محسوس کرتے ہوئے پی سی بی نے بیک اپ میں موجود بولرز کو بھی تیار رہنے کی ہدایت کردی، کسی بھی پیسر کو سیریز کے دوران مسئلہ ہوا تو بلاول بھٹی، انور علی یا محمد طلحہ کو فوری طور پر بنگلہ دیش بھجوایا جاسکے گا۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…