دورہ بنگلہ دیش ، کھلاڑیوں کی خوب دوڑیں لگواتے ہوئے فٹنس آزمائی گئی

10  اپریل‬‮  2015

لاہور(نیوز ڈیسک) لاہور میں جاری قومی ٹیم کے تربیتی کیمپ میں بھی کھلاڑیوں کی خوب دوڑیں لگواتے ہوئے فٹنس آزمائی گئی۔بنگلہ دیش میں میچز کے دوران سخت گرم موسم کو پیش نظر رکھتے ہوئے تیسرے روز ٹریننگ کیلیے سہ پہر 2سے شام 5 بجے کا وقت رکھا گیا تھا، اس سے قبل کھلاڑی 11بجے میدان میں آتے رہے ہیں، ون ڈے اسکواڈ کیلیے منتخب کھلاڑیوں کے علاوہ ٹیسٹ اور ٹوئنٹی 20 اسکواڈ میں شامل جنید خان اور صرف مختصر طرز کے واحد میچ کیلیے ٹیم کا حصہ بننے والے سہیل تنویر بھی اسٹیڈیم میں موجود رہے۔
صبح کو نیشنل کرکٹ اکیڈمی میں جم ٹریننگ کے بعد ہیڈ کوچ وقار یونس نے کھلاڑیوں کی فٹنس کا امتحان فیلڈنگ سیشن میں لیا، وارم اپ کے بعد فیلڈرز کو پوزیشن تبدیل کرتے ہوئے گیند قابو میں کرنے اور وکٹوں کو نشانہ بنانے کا ٹاسک دیا گیا، اس دوران صرف 20فیصد گیندیں ہی ہدف سے ٹکرائیں، اس پریکٹس کے دوران ایک اینڈ پر سرفراز احمد بھی سرگرم رہے۔
بعد ازاں وقار یونس کے بیٹ سے اونچے اسٹروکس پر دوڑتے ہوئے کیچ پکڑنے اور گیند واپس بولنگ کوچ مشتاق احمد کی جانب واپس پھینکنے کی پریکٹس نے جنید خان،سہیل خان،سمیع اسلم، محمد رضوان،فواد عالم، اظہر علی، سعید اجمل، سعد نسیم سمیت کھلاڑیوں کے پسینے چھڑا دیے۔ وکٹ کیپر سرفراز احمد کیساتھ فیلڈنگ کوچ گرانٹ لیوڈن نے ایک الگ سیشن کیا، ہر اچھی کوشش پر کوچنگ اسٹاف کی جانب سے داد بھی دی جاتی رہی،دو گھنٹے فیلڈنگ پریکٹس کے بعد بیٹنگ اور بولنگ پریکٹس شام تک جاری رہی،ایک نیٹ میں پیسرز نے وقار یونس کی رہنمائی میں بیٹسمینوں کی صلاحیتیں آزمائیں۔
سب سے زیادہ وقت اسد شفیق کو دیا گیا، دوسری جانب مشتاق احمد کی نگرانی میں اسپنرز سرگرم رہے،نئے ایکشن کیساتھ سعید اجمل بھی توجہ کا مرکز بنے رہے،انھوں نے فواد عالم کو چند اچھی گیندوں سے تعریف پر مجبور کردیا، آج نیٹ سیشن یا فیلڈنگ کے بجائے پریکٹس میچ شیڈول کیا گیا ہے،کھلاڑیوں کو دو ٹیموں میں تقسیم کرکے 50اوورز فی اننگز کا ون ڈے مقابلہ کروایا جائے گا جو سہ پہر کو 3بجے شروع ہوگا۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…