بھارت ورلڈ کپ میں اپنے اعزاز کا دفاع تو نہ کر سکا البتہ بھارتی سٹارز انوشکا شرما کو دلاسے دینے لگے ہیں۔ دِیا مرزا، پریانکا چوپڑا، ابھشیک بچن، رِشی کپور اور تو اور پاکستان کی بہو ثانیہ مرزا نے بھی ان کی حمایت کی۔

ممبئی: (نیوز ڈیسک) ورلڈ کپ سیمی فائنل میں ایک ہار پر جو حال انوشکا شرما کا ہوا وہ سب کو بُرا لگا۔ سشمیتا سین نے لکھا کہ انوشکا کو میچ میں اپنے دوست ویرات کوہلی کو سپورٹ کرتے دیکھ کر اچھا لگا۔ جو انہیں قصوروار کہہ رہے ہیں وہ کرکٹ دیکھنا چھوڑ دیں۔ دیا مرزا نے کہا کہ بھارت کی شکست ناقابل برداشت تھی لیکن انوشکا کو ذمہ دار کہنا ہتک آمیز تھا۔ رِشی کپور نے تو انوشکا کو آشیر باد ہی دے دیا “جاکو راکھے سائیاں مار سکے نہ کوئی”۔ پریانکا چوپڑا نے بھی ڈائیلاگ پھینکا کہ انوشکا تو صرف ویرات کوہلی کی حمایت کرنے گئیں تھیں۔ تماشائیوں نے ہار پر جو ان کا حال کیا وہ غلط تھا۔ بپاشا باسو کہنے لگیں کہ اگر قوم پوری ٹیم کو سپورٹ کر سکتی ہے تو ایک کھلاڑی کی دوست کیوں نہیں؟۔ بھارتی ٹینس کوئن ثانیہ مرزا نے تو گویا طعنہ ہی دے دیا۔ کہتی ہیں کہ اب ہارے ہیں تو انوشکا کے دھیان بٹایا لیکن جب جب سنچری بنائی تو اس کا کیا؟۔