دنیا کے تقریباً تمام خطوں میں مرد ان خواتین سے شادی نہیں کر سکتے جن کے ساتھ ان کا خون کا رشتہ ہو اور ہر جگہ شادی کیلئے ممنوع قرار دیئے گئے رشتوں کا تصور پایا جاتا ہے لیکن جنوبی امریکہ کے جنگلوں میں ایک ایسی قوم بھی پائی جاتی ہے کہ جہاں مردوں کو صرف ان خواتین سے شادی کی اجازت ہے جو ان کی زبان نہ بولتی ہوں، یعنی یہ مرد اپنے خاندان یا قبیلے کی کسی بھی عورت سے شادی نہیں کر سکتے۔

یہ قوم جنوبی امریکہ کے امیزون جنگلات میں رہنے والے توکانو قبائل پر مشتمل ہے۔ ان کے درجنوں قبیلے ہیں اور ہر قبیلہ اپنی علیحدہ زبان بولتا ہے۔ شادی کیلئے ایک قبیلے کے مرد دوسرے قبیلے کی ایسی خواتین کا انتخاب کرتے ہیں جو ان کی اپنی زبان سے مکمل طور پر ناواقف ہوں۔ اس رواج کا نتیجہ یہ ہے کہ یہ لوگ درجنوں زبانیں بولتے ہیں کیونکہ بچہ نہ صرف اپنے باپ کی زبان سیکھتا ہے بلکہ ماں اور بیاہ کر لائی گئی دیگر قبیلوں کی خواتین کی زبانیں بھی سیکھتا ہے۔
یہاں اکثر لوگوں کو یہ اندازہ ہی نہیں کہ وہ کتنی زبانیں بولتے ہیں اور یہ اکثر بات کرتے ہوئے درجن بھر زبانوں کے الفاظ استعمال کرتے ہیں۔ زبان کی بنیاد پر شادی کرنے والی یہ قوم دنیا میں ایک منفرد مثال سمجھتی جاتی ہے