لندن(آن لائن)مسلم لیگ (ن) کے قائد میاں نوازشریف نے کہا ہے کہ سیاسی سرگرمیوں چلتی رہتی ہیں فی الحال سیلاب زدگان کی ہر ممکنہ مدد پر فوکس کیا جائے۔وہ یہاں معروف صنعت کار پرویز بٹ اور حناپرویز بٹ سے گفتگو کر رہے تھے جنہوں نے ان سے ملاقات کی۔اس موقع پر سابق وزیر خزانہ اسحاق ڈار بھی موجود تھے،

میاں نوازشریف سے موجودہ ملکی سیاسی صورتحال باہمی دلچسپی کے امور پر تبادلہ خیال کیا گیا۔ملاقات میں پرویز بٹ نے پاکستان کے صنعتی سیکٹر کے متعلق بھی تبادلہ خیا ل کیا۔ انہوں نے میاں نواز شریف سے انکی صحت سے متعلق بھی دریافت کیا۔میاں نوازشریف نے انکی جلد صحتیابی کیلئے دعائیں کرنے والوں کا بھی شکریہ ادا کیا۔میاں نوازشریف نے کہا سیاسی سرگرمیوں ہوتی رہتی ہیں سیلاب زدگان کی ہر ممکنہ مدد کی جائے۔ مسلم لیگی کارکن اور پوری قوم ملک میں سیلاب متاثرین تک ریلیف پہنچانے کے لیے تمام کوششیں بروئے کار لائے۔ دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ پی ٹی آئی کی سیاست جھوٹ اور فریب کا مجموعہ ہے،عوام کو سبز باغ دکھا کر اقتدار میں آنے وا لے عمران خان نے ملک کو معاشی تباہی کے دہانے پر پہنچا یا،وزیر اعظم شہباز شریف ان تھک انسان ہیں ان کی قیادت میں معاشی بحالی کی منزل تک ضرور پہنچیں گے۔اپنے جاری بیان میں انہو ں نے کہا کہ سیلاب متا ثر ین کی بحا لی تک لیگی قیادت چین سے نہیں بیٹھے گی، سیلا ب متا ثر ین کی بحالی ہر سیا سی جماعت اور پاکستانی کی ذمہ داری ہے۔ انہو ں نے کہا کہ وزیر اعظم شہباز شریف نے سیلاب سے متاثر ہونیوالے خاندانوں کیساتھ مکمل تعاون اور امداد کی فراہمی یقینی بنانے کیلئے متعلقہ اداروں کو ہنگامی بنیادوں پر اقدامات کرنے کی ہدایت کررکھی ہے۔

انہوں نے کہا کہ قدرتی آفت سے تباہ ہونیوالے رابطہ پلوں، سڑکوں اور آمدورفت کے دوسرے ذرائع کو فوری طور پر بحال کیا جائیگا، مشکل کی اس گھڑی میں پوری قوم سیلاب زدگان کے ساتھ کھڑی ہے، متاثرین کو امداد کی فراہمی کیلئے وفاقی حکومت پوری طرح کوشاں ہے۔

موضوعات:نواز شریف