اسلام آباد (این این آئی)پاکستان تحریک انصاف کے رہنما پرویز خٹک نے عمران خان کے بنی گالہ سے چلے جانے کی خبروں پر ردعمل کا اظہار کرتے ہوئے کہا ہے کہ کسی کا باپ بھی خان کو گرفتار نہیں کرسکتا، وہ مرد ہے بھاگے گا تھوڑی۔عمران خان کی رہاش گاہ بنی گالہ

کے باہر میڈیا سے گفتگو کرتے ہوئے پرویز خٹک نے وفاقی وزیر داخلہ رانا ثنا اللہ کیلئے پیغام میں کہا کہ کسی کا باپ بھی عمران خان کو گرفتار نہیں کرسکتا۔پرویز خٹک سے صحافی نے سوال کیا کہ کہیں آپ عمران خان کو لینے تو نہیں جارہے، وہ کہیں خیبر پختونخوا تو نہیں جائیں گے؟جواب میں پی ٹی آئی رہنما نے کہا کہ وہ کے پی کے کیوں جائیں گے؟ وہ مرد ہے بھاگے گا تھوڑی۔خیال رہے کہ سابق وزیراعظم عمران خان کے خلاف مقدمہ درج ہونے کے بعد ان کی گرفتاری کا امکان ہے جس کے بعد پی ٹی آئی چیئرمین نے ضمانت کے لیے عدالت سے بھی رجوع کیا ہے۔ذرائع کا کہنا ہے کہ عمران خان کی رہائش گاہ جانے والا راستہ غیرمتعلقہ افراد کیلئے بند کردیا گیا ہے اور صرف عمران خان کیقریبی لوگوں اورعلاقہ مکینوں کو داخلے کی اجازت ہے۔ذرائع کے مطابق عمران خان انسداد دہشت گردی ایکٹ کے تحت مقدمے میں گرفتاری سے بچنے کیلئے بنی گالا میں موجود نہیں ہیں۔

موضوعات:پرویز خٹک