اسلام آباد( آن لائن ) مسلم ن کے قائد میاں نواز شریف نے شہبازشریف کو ہدایات جاری کی کہ وہ عوام کو ریلیف دینے کے لیے اہم اقدامات اْٹھائیں اور طرز حکومت میں بہتری لائیں حکومت کی طرف سے عوامی خدمت میں اْٹھائے گئے اقدامات کی میڈیا میں تشہیر

کریں میاں نوازشریف کے قریبی دست راست کے حال ہی میں لندن دورہ کرنے والے میں سے ایک ذریعہ کا کہنا ہے کہ میاں نوازشریف موجودہ حکومت کے طرز حکومت سے بددل نہیں مگر مایوس ضرور ہیں۔ میاں نوازشریف سے ان کے قریبی رفقاء نے موجود حکومت کی کارکردگی اور ن لیگی کارکنان کی حکومتی سیٹ اپ میں ایڈجسٹمنٹ کے حوالے سے تحفظات کا اظہار کیا تو جواب میں میاں نوازشریف کا کہنا تھا کہ مرکز میں اتحادی حکومت ہے ہر ایک کو ساتھ لے کر چلنا ہے ہمارا سارا فوکس عوامی خدمت پر ہونا چاہئے تاکہ جب ہم آئندہ انتخابات میں جائیں تو عوام ہمیں کارکردگی پر ووٹ دیں۔ نوازشریف نے لیگی قیادت کو پیغام دیا ہے کہ وہ عمران حکومت کی کرپشن اور ممنوعہ فنڈنگ کو بھرپور اجاگر کریں عوام کو بتایا جائے کہ عمران خان بددیانت ہے انھوں نے اپنی چوری چھپانے کے لیے دوسروں کو چور چور کہنا شروع کر دیا ذریعہ کا یہ بھی کہنا تھا کہ میاں نوازشریف کی وطن واپسی مہینوں نہیں بلکہ دنوں کی بات ہے اور وہ اس پر سنجیدگی سے غور کر رہے ہیں ان کی واپسی کی تاریخ کا اعلان آئندہ ہفتے تک کر دیا جائے گا۔

موضوعات:نواز شریف