نوشہرہ، سکھر(صباح نیوز، این این آئی)تحریک انصاف خیبر پختونخوا کے صدر اور سابق وفاقی وزیر دفاع پرویز خٹک نے دعویٰ کیا ہے کہ عمران خان کہیں تووہ 15منٹ میں وفاقی حکومت گراسکتے ہیں ‘حکمران عیاشیوں میں مست اور مزے لوٹ رہے ہیں۔ معیشت تباہ کن

صورتحال سے دوچار ہے۔ ملکی اور غیرملکی ادارے چور حکمرانوں پر اعتماد نہیں کررہے ۔ آئی ایم ایف پروگرام میں تاخیر حکمرانوں پر عدم اعتماد کا اظہار ہے۔دوسری جانب وفاقی وزیر برائے آبی وسائل خورشید شاہ نے کہا ہے کہ لوگوں کے ذہنوں میں خلفشار بھرا گیا ہے سیاستدان ووٹ لیکر صرف عیاشی کرتے ہیں۔تقریب سے خطاب کرتے ہوئے خورشید شاہ نے کہاکہ میں تقریب میں ٹائم پر اس لیے آیا تاکہ آپ کو احساس ہو کہ سیاستدان ووٹ لیکر عیاشی نہیں کرتے بلکہ خدمت گار ہوتے ہیں۔انہوں نے طالب علموں سے مخاطب ہو کر کہا کہ آپ اپنے علاقے کے بچوں کو پڑھائیں تاکہ زیادہ سے زیادہ بچے تعلیم یافتہ ہوں اور اپنے ملک و علاقے کی ترقی میں کردار ادا کر سکیں۔خورشید شاہ نے کہا کہ مجھے کسی نے تصویر بھیجی کہ بچی زمین پر بیٹھ کر تعلیم حاصل کر رہی ہے، ہم نے 24 گھنٹوں کے دوران اس اسکول میں 400 کرسیاں فراہم کیں، میری کوشش ہے کہ اس ملک کے عوام کی زیادہ سے زیادہ خدمت کروں۔

موضوعات:پرویز خٹک