اسلام آباد (این این آئی)وزیراعظم عمران خان نے سپریم کورٹ سے لیٹر گیٹ کی تحقیقات کیلئے عدالتی کمیشن بنانے کا مطالبہ کر دیا۔ذرائع کے مطابق وزیراعظم نے لیٹرگیٹ

کی تحقیقات کیلئے ہائی پاور کمیشن بنانے کا مطالبہ کیا ہے۔ذرائع کا بتانا ہے کہ وزیراعظم عمران خان کے وکلا کمیشن بنانے کیلئے سپریم کورٹ سے رجوع کریں گے۔نجی ٹی وی کے مطابق وزیراعظم نے سپریم کورٹ کے ازخود نوٹس سے متعلق گزشتہ روز قانونی ٹیم سے مشاورت کی تھی۔ذرائع کا کہنا ہے کہ وزیراعظم نے حکومت گرانے کے لیے عالمی سازش کی تحقیقات کا مطالبہ کیا ہے جبکہ منحرف ارکان اور ہارس ٹریڈنگ کی تحقیقات کا بھی مطالبہ کیا ہے۔ذرائع کے مطابق عمران خان کا موقف ہے کہ نیشنل سکیورٹی اجلاس میں بین الاقوامی سازش کو تسلیم کیا گیا۔عمران خان کا موقف ہے کہ کرپٹ سیاستدانوں نے حکومت گرانے کیلئے عالمی ایجنڈے پر عمل کیا لہذا اس کی عدالتی تحقیقات ہونی چاہئیں۔

موضوعات:وزیراعظم عمران خان