اسد عمر نے آئندہ 15 روز میں مہنگائی سے چھٹکارا ملنے کی نوید سنا دی

5  دسمبر‬‮  2021

اسلام آباد(آن لائن ) وفاقی وزیر منصوبہ بندی اسد عمر نے کہا ہے کہ ملکی سیاست میں انقلاب آنے والا ہے،ماضی میں جو سینما کے ٹکٹ بیچتے تھے آج ان کے محل بن گئے ہیں، جائیدادیں بنانے والوں کی لندن تو کیا پاکستان میں بھی کوئی عزت نہیں ہے،پہلے مٹھی بھر خاندان پاکستان کے وسائل پر قبضہ کر کے بیٹھے ہوئے تھے ،اسد عمر کا کہنا تھا کہ آئندہ پندرہ روز میں عوام کو مہنگائی سے چھٹکارا مل جائے گا،

وزیر اعظم عمران خان فیکٹریاں اور جائیدادیں بنانے اقتدار میں نہیں آئے، اب جو ووٹ لے کر آئے گا وہی طاقتور میئر ہو گا۔ ہفتہ کے روز اسلام آباد میں عوامی اجتماع سے خطاب کرتے ہوئے وفاقی وزیر اسد عمر نے کہا کہ اسلام آباد میں ترقیاتی کاموں کو آئندہ 18 ماہ میں مکمل کر لیا جائے گا اور جون 2022 تک اسلام آباد میں 100 نئے ٹیوب ویل لگائے جائیں گے جن سے پانی کا مسئلہ بھی حل ہو جائے گا۔ انہوں نے کہا کہ پمز، پولی کلینک اسپتالوں میں سہولیات کو بڑھایا جائے گا۔ اس وقت اسلام آباد میں ایک ہی وقت میں کئی جگہوں پر ترقیاتی کام جاری ہیں اور اسلام آباد کو جی ٹی روڈ سے منسلک کرنے کے لیے بھی کام کر رہے ہیں۔اسد عمر نے کہا کہ اسلام آباد کے سیکٹر آئی ٹین میں اس بار پانی کی قلت نہیں ہوئی اور راول جھیل سے اسلام آباد کو 20 لاکھ گیلن یومیہ پانی زیادہ ملا ہے۔ اب جنوری سے اسلام آباد، راولپنڈی اور پنجاب میں ہر شہری کو صحت کارڈ دیے جائیں گے اور ان صحت کارڈز کے ذریعے 10 لاکھ روپے تک کا مفت علاج کرایا جاسکتا ہے۔انہوں نے کہا کہ اسلام آباد میں اسپتالوں کے 2 نئے منصوبے شروع کیے جا رہے ہیں اور پولی کلینک کی توسیع کا منصوبہ بھی جلد شروع کرنے جا رہے ہیں۔ملکی سیاست پر بات کرتے ہوئے وفاقی وزیر نے کہا کہ ملکی سیاست میں انقلاب آنے والا ہے اور جو ماضی میں سینما کے ٹکٹ بیچتے تھے آج ان کے محل بن گئے ہیں۔

گوالمنڈی میں گھومنے والے آج لندن کے محلوں میں مزے کر رہے ہیں جو لندن تو کیا پاکستان میں بھی جائیداد نہ ہونے کے دعوے کرتے ہیں۔انہوں نے کہا کہ جائیدادیں بنانے والوں کی لندن تو کیا پاکستان میں بھی کوئی عزت نہیں ہے اب جو ووٹ لے کر آئے گا وہی طاقتور میئر ہو گا۔ پہلے مٹھی بھر خاندان پاکستان کے وسائل پر قبضہ کر کے

بیٹھے ہوئے تھے۔ اسد عمر نے کہا کہ ماضی میں 5 شہروں میں کچھ خاندانوں کا مکمل قبضہ رہا ہے جبکہ گوالمنڈی میں رہنے والوں کے اربوں کے فلیٹس لندن اور دبئی میں بن جاتے ہیں۔ مریم نواز کہتی تھیں لندن تو کیا پاکستان میں بھی کوئی جائیداد نہیں ہے لیکن خرم شیر زمان نے ٹھیک کہا آپ کی لندن تو کیا پاکستان میں بھی کوئی عزت نہیں ہے۔انہوں نے کہا کہ چند خاندانوں نے ترقی کی اور پاکستان پیچھے چلا گیا لیکن وزیر اعظم عمران خان

فیکٹریاں اور جائیدادیں بنانے اقتدار میں نہیں ا?ئے۔بلدیاتی انتخابات پر بات کرتے ہوئے انہوں نے کہا کہ بلدیاتی انتخابات میں میئر کا انتخاب براہ راست ہو گا اور میئر کو بااختیار بنائیں گے۔ عوام کے ووٹوں سے منتخب ہونے والا میئر عوام کو جوابدہ ہو گا اور اب لیڈر نہیں بلکہ عوام بااختیار ہوں گے۔وفاقی وزیر نے کہا کہ چند خاندانوں نے ترقی کی اور پاکستان پیچھے چلا گیا اب ہم اختیارات کو نچلی سطح پر منتقل کریں گے۔ ماضی کے بلدیاتی انتخابات میں میئر کے پاس کوئی اختیار نہیں تھا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…