کراچی (این این آئی)سندھ کابینہ نے اگلے نو ماہ کے لئے بجٹ تجاویز کی منظوری دے دی ہے جبکہ کابینہ نے کے الیکٹرک کی غفلت سے معذور ہونے والے بچے کا بیرون ملک علاج کرانے کا بھی فیصلہ کیا ہے۔تفصیلات کے مطابق کراچی میں وزیراعلیٰ سندھ مراد علی شاہ کی زیرصدارت سندھ کابینہ کا اجلاس ہوا،جس میں تمام صوبائی وزرا، چیف سیکرٹری، مشیر اور سیکریٹری فنانس شریک ہوئے،کابینہ نے اگلے نو ماہ کے لئے بجٹ تجاویز کی منظوری بھی دی۔پیپلزپارٹی کے رہنما امتیاز شیخ نے کابینہ کو بتایا

کہ کے الیکٹرک پچیس لاکھ معاوضہ دینے کے لیے تیار تھا، وزیراعلیٰ سندھ کی ہدایت پر معاوضہ پچاس لاکھ کرایا۔وزیراعلیٰ سندھ نے اجلاس کے دوران اعلان کیا کہ سندھ حکومت بچے کا بیرون ملک علاج کرائے گی۔ مراد علی شاھ نے لگژری گاڑیوں کے حوالے سے تین رکنی کمیٹی قائم کرتے ہوئے کہا ہے  کہ میرے زیر استعمال تین لگژری گاڑیاں ہیں، میڈیا میں کیا کیا چلتا ہے دیکھ کر حیران ہوتا ہوں، ہمارے پاس چھبیس سال پرانا ہیلی کاپٹر ہے، جبکہ سندھ حکومت کا جہاز 2006 میں خریدا گیا تھا۔

موضوعات:مراد علی شاہ