عرفان خان میں خطرناک بیماری نیورو اینڈ کرائن ٹیومر کی تشخیص ہوگئی

17  مارچ‬‮  2018

ممبئی (این این آئی) بالی وڈ اسٹار عرفان خان نے کہا ہے کہ ان میں نیورو اینڈوکرائن ٹیومر نامی مرض کی تشخیص ہوئی ہے۔انہوں نے ایک ٹوئیٹ پیغام میں اپنی صحت کے حوالے سے اپ ڈیٹ کرتے ہوئے لکھا کہ مجھے معلوم ہوا کہ ڈاکٹر نے نیورو اینڈوکرائن ٹیومر کی تشخیص کی ہے جو کہ یقینا مشکل مرحلہ ہے مگر اپنے ارگرد موجود افراد کی محبت اور مضبوطی نے میرے اندر امید پیدا کی ہے۔

ان کا اس پیغام میں کہنا تھا کہ وہ علاج کیلئے بھارت سے باہر جائیں گے اس کے باعث مجھے ملک سے باہر جانا ہوگا اور میں ہر ایک سے دعائوں کی درخواست کرتا ہوں ۔نیورو اینڈوکرائن ٹیومر ایسی رسولی ہے جو کہ ہارمونل اور اعصابی نظام کے خلیات میں نمایاں ہوتی ہے۔عام طور پر اس مرض میں ہارمون پیدا کرنے والے اعصابی خلیات میں ٹشوز کی نشوونما غیرمعمولی ہوجاتی ہے،عموماً آنتوں میں یہ مرض سامنے آتا ہے، مگر یہ مرض لبلبے، پھیپھڑوں اور جسم کے کسی بھی حصے میں بھی نمودار ہوسکتا ہے ٗاکثر یہ سنگین نہیں ہوتی مگر کچھ خطرناک ثابت ہوسکتی ہیں۔بولی وڈ اسٹار نے فی الحال یہ واضح نہیں کیا کہ جسم کے کس حصے میں اس مرض کی تشخیص ہوئی ہے اور اس کی نوعیت کیا ہے۔رواں ماہ کے شروع میں عرفان خان نے ایک ٹوئیٹ پیغام میں بتایا تھا کہ وہ کسی خطرناک مرض کا شکار ہوگئے ہیں۔عرفان خان نے ٹوئیٹ کی کہ وہ اور اس کے دوست و اہل خانہ انہیں لاحق ہونے والی خطرناک بیماری کا صحیح پتہ لگانے میں مصروف ہیں اور انہیں جیسے ہی پتہ چلے گا وہ خود ہی مداحوں کو اس بات سے آگاہ کریں گے۔اداکار نے اپنے مداحوں اور عام افراد کو درخواست کی کہ ان کی صحت اور بیماری سے متعلق قیاس آرائیوں اور افواہوں سے گریز کیا جائے ٗخیال رہے کہ عرفان خان کی کامیڈین بلیک فلم ’بلیک میل‘ رواں برس اپریل کو ریلیز کی جائے گی، جس میں اس کے ساتھ کریٹی کلہاری جلوہ گر ہوں گی۔اس کے علاوہ عرفان خان کی فلم ہندی میڈیم دو بھی رواں برس کے اختتام تک آنے کا امکان ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…