ممبئی (این این آئی) جوہی چاولہ نے 1986 ء میں فلم ’’سلطنت ‘‘ سے فلمی کیریئر کا آغاز کیا لیکن فلم کو ناکامی کا سامنا کرنا پڑا جس کے بعد انہوں نے1988 ء میں فلم ’’قیامت سے قیامت تک ‘‘ میں اداکار عامر خان کے ساتھ مرکزی کردار ادا کیاجسے بے حد پزیرائی حاصل ہوئی۔انہوں نے متعدد ہندی ،تامل ،کناڈا ،تیلگو ،ملیالم ،پنجابی اور بنگالی فلموں میں کام کیا، ان کی معروف فلموں میں ’’ڈر ‘‘ ، ’’ہم ہیں راہی پیار کے ‘‘ ، ’’عشق ‘‘ ،’’رام جانے ‘‘ شامل ہیں، انہیں فلموں میں بہترین اداکاری کی بدولت متعدد ایوارڈز سے نوازا گیا۔

عامر خان کا شمار بھی بالی ووڈ فلم انڈسٹری کے چوٹی کے اداکاروں میں ہوتا ہے، تاہم انکی جوہی کیساتھ جوڑی ماضی کی سپر ہٹ جوڑی سمجھی جاتی تھی۔ اور دونوں نے ایک ساتھ کئی فلموں میں اداکاری کی۔دونوں جلد ہی ایک دوسرے کے گہرے دوست بن گئے۔ جوہی کا کہنا ہے کہ وہ ایک دوسرے کیساتھ ہر وقت لڑتے جھگڑتے رہتے تھے، اگر کسی کو مصیبت میں بلایا جا سکتا تھا تو وہ عامر تھا۔ جوہی کا کہنا ہے کہ وہ فلم عشق کی شوٹنگ کے دوران ایک دوسرے سے 3 سے چار بار لڑے، کچھ تو فلم کا سکرپٹ بھی ایسا ہی تھا اور ہم بھی تھوڑے شرارتی تھے۔ اسی فلم کی شوٹنگ کے دوران ایک ایسا واقعہ درپیش آیا جس نے دونوں اداکاروں کے درمیان فاصلے بڑھا دئیے۔ اور جوہی نے راجہ ہندوستانی جیسی فلم میں عامر کے مدمقابل کردار سے انکار کر دیا تھا۔ دونوں کے درمیان لڑائی بڑھتی گئی، اور فاصلوں میں اضافہ ہوتا گیا۔تاہم ایسا بھی ہوا کہ دونوں اداکاروں نے ایک دوسرے کو مسلسل 5 سال تک نہیں بلایا، ہوا کچھ یوں کہ عامر خان نے جوہی کو کہا کہ وہ علم نجوم کو جانتے ہیں، اور جوہی کو اپنی ہتھیلی دکھانے کو کہا ، جب جوہی نے اپنا ہاتھ انکے سامنے رکھا تو عامر کو شرارت سوجھی اور انہوں نے جوہی کے ہاتھ پر تھوکا اور دوڑ لگا دی، اس وقعہ پر جوہی اتنی آگ بگولہ ہوئیں کہ انہوں نے آنے والے 5 سے 6 سال تک عامر سے بات نہ کی۔ایک وقت آیا کہ جوہی نے پہل کرتے ہوئے عامر سے دوستی کرلی۔ جوہی کا کہنا تھا کہ اپنے قریبی دوست سے اگر لڑائی ہوجائے تو اسے فوراً ہی منا لینا چاہیے، نہیں تو غلط فہمیوں میں بتدریج اضافہ ہوتا جاتا ہے اور تعلق بالکل ختم ہو جاتا ہے۔

موضوعات:عامر خان، جوہی چاولہ