ممبئی (این این آئی)بالی وڈ کے نوجوان اداکار رنویر سنگھ نے اپنی نئی فلم ’گْلی بوائے‘ کے لیے وزن میں حیران کن کمی کی ہے۔میڈیا رپورٹ کے مطابق رنویر سنگھ بھارتی فلم نگری کے ان چند نئے اداکاروں میں شامل ہیں جو بہت ہی کم عرصے میں فلمی دنیا میں اپنی صلاحیتوں کا لوہا منوا چکے ہیں۔رنویر نے اس عروج پر پہنچنے کیلئے انتھک محنت کی ہے اور فلموں میں اپنے کرداروں سے انصاف کرنے کیلئے صحت کی بھی پرواہ نہیں کی ٗ

انہوں نے فلم ’پدماوت‘ میں علاؤ الدین خلجی کے کردار کیلئے اپنے وزن میں اضافہ کیا تھا اور اس کردار میں ڈھلنے کے لیے خود کو کئی روز تک اکیلے کمرے میں بند بھی رکھا تھا تاہم اب رنویر نے نئی فلم ’گْلی بوائے‘ کے کردار کے لیے وزن میں حیران کن کمی کی ہے۔ہدایت کارہ زویا اختر کی فلم ’گْلی بوائے‘ میں رنویر سنگھ جھگی

میں رہنے والے ایک غریب لڑکے کا کردار نبھا رہے ہیں جس کیلئے انہوں نے اپنا وزن 20 کلو کم کیا ہے۔اداکار کی وزن کم کرنے کے بعد کی تصاویر سوشل میڈیا پر تیزی سے وائرل ہورہی ہیں جسے مداحوں کی جانب سے بے حد پسند کیا۔دوسری جانب رنویر سنگھ نے خود بھی ٹوئٹ کرکے ’پدماوت‘ اور ‘گْلی بوائے‘ کی تصویر شیئر کی ہے جس پر مداح بھی حیران ہیں۔

موضوعات:رنویر سنگھ