لاہور (مانیٹرنگ ڈیسک) قندیل بلوچ قتل کیس میں گرفتار ملزم مفتی عبد القوی کالاہور میں پولی گرافک ٹیسٹ مکمل کر لیا گیا ۔مفتی عبد القوی کو گزشتہ روز صبح پانچ بجے کے قریب سخت سکیورٹی میں پولی گرافک ٹیسٹ کے لئے لاہور میں واقع پنجاب سائنس فرانزک ایجنسی منتقل کیا گیا ۔مفتی عبدالقوی کا

پولی گرافک ٹیسٹ لاہورکی فرانزک سائنس لیبارٹری میں تقریباًچھ گھنٹے تک جاری رہا۔فرانزک ماہرین نے مفتی عبدالقوی سے قندیل بلوچ اوراس کے بھائیوں سے رابطوں پرسوالات کئے ۔ٹیسٹ کے دوران مفتی عبدالقوی کاتفصیلی بیان بھی ریکارڈ کیاگیا۔ٹیسٹ کی بنیاد پرملزم کے سچ اورجھوٹ کا تعین کیاجائیگا۔

موضوعات:قندیل بلوچ قتل کیس