اسلام آباد(مانیٹرنگ ڈیسک)گزشتہ ماہ ہی اپنے چوتھے شوہر ولی حامد سے طلاق لینے والی اداکارہ نور بخاری سے متعلق تازہ خبر ہے کہ انہوں نے شوبز انڈسٹری کو خیرباد کہہ دیا ہے۔نور بخاری سے متعلق یہ چہ میگوئیاں اس وقت ہونا شروع ہوئیں، جب گزشتہ ہفتے انہوں نے اپنے انسٹاگرام اکاؤنٹ پر حجاب میں اپنی تصاویر شیئر کرنا شروع کیں۔خبریں تھیں کہ نور بخاری نے شوبز انڈسٹری کو خیرباد کہنے کا فیصلہ کرکے

پاکستانی خواتین اور نوجوان لڑکیوں کو حقیقی زندگی کا راستہ دکھانے کا کام کریں گی۔نور بخاری سے متعلق خبریں تھیں کہ اب وہ نہ تو کسی پاکستانی فلم اور نہ ہی کسی ڈرامے میں کردار ادا کرتی نظر آئیں گی۔نور سیز ڈاٹ کام نامی بلاگ پوسٹ میں نور بخاری کے نام سے شائع ہونے والی ایک تحریر میں ’زندگی کا حقیقی مقصد‘ سمجھانے کی کوشش کرتے ہوئے بتایا گیا کہ اداکارہ کی زندگی میں یہ تبدیلی کس طرح آئی؟۔بلاگ کے مطابق نور بخاری ہمیشہ سے یہ سوچتی تھیں کہ حقیقی زندگی کا مقصد کیا ہے، اور پھر ایک دن ان کی زندگی تبدیل ہوگئی۔بلاگ میں وضاحت کی گئی کہ نور بخاری نے رمضان المبارک میں قرآن شریف کا اردو ترجمے کے ساتھ مطالعہ شروع کیا، اور یوں ان کی زندگی تبدیل ہوگئی، انہیں اپنے ماضی پر افسوس بھی ہے۔اسی بلاگ پوسٹ میں کی گئی باتوں کی صداقت نور بخاری نے پاکستان کے ایک اخبار کو دیے گئے انٹرویو میں بھی کی، جس میں انہوں نے واضح کیا کہ اب وہ شوبز انڈسٹری میں نہیں جائیں گی۔نور بخار کا کہنا تھا کہ اب وہ جب بھی گھر سے نکلیں گی تو حجاب پہن کر نکلیں گی۔انہوں نے کہا کہ ہرکوئی کوشش کرتا ہے کہ وہ اللہ کے نزدیک ہوجائے، لیکن اللہ کسی کسی کو یہ عطا نصیب کرتا ہے، اور وہ ان خوش نصیب لوگوں میں شامل ہیں، جنہیں اللہ نے ہدایت دی۔یہ بھی خبریں ہیں کہ نور بخاری اب اگر ٹی وی اسکرین پر نظر آئیں تو بھی وہ حجاب کے ساتھ

کسی مذہبی پروگرام کی میزبانی کرتی نظر آئیں گی۔نور بخاری کی جانب سے انسٹاگرام پر شیئر کی گئی تصاویر کو دیکھ کر اندازہ ہوتا ہے کہ وہ کسی پروگرام کے سیٹ پر موجود ہیں، ایک تصویر کے ساتھ تو انہوں نے ’نور زندگی کا حقیقی مقصد‘ کا جملہ بھی لکھ کر شیئر کیا ہے۔ایک اور تصویر میں وہ اداکارہ، ماڈل و ڈزائنر بنیتا ڈیوڈ کے ساتھ نظر آر ہیں ہیں، لیکن ان کی جانب سے شیئر کی گئی تمام تصاویر میں کوئی وضاحتی کیپشن

نہیں دیا گیا۔دوسری جانب اداکارہ کی جانب سے انسٹاگرام پر شیئر کی جانے والی تصاویر کے بعد لوگوں نے ملے جلے رد عمل کا اظہار کیا، کئی افراد نے ان کے بدلے روپ پر حیرانی تو کئی نے خوشگوار حیرت کا اظہار کیا۔

#NoorBukhari

A post shared by Noor Bukhari (@noorbukhariofficial) on Oct 13, 2017 at 8:10am PDT

Started wearing #hijab #NoorBukhari #lovemyself

A post shared by Noor Bukhari (@noorbukhariofficial) on Oct 10, 2017 at 2:49pm PDT

With #benitadavid #NoorBukhari #lovemylife

A post shared by Noor Bukhari (@noorbukhariofficial) on Oct 10, 2017 at 2:50pm PDT

#NoorBukhari

A post shared by Noor Bukhari (@noorbukhariofficial) on Oct 7, 2017 at 3:46am PDT

موضوعات:نور